14 shlokas
- 1
प्रादुर्भूतेषु तण्डुलेषूच्चैः समाहन्तवा इति संप्रेष्यति
prādurbhūteṣu taṇḍuleṣūccaiḥ samāhantavā iti saṃpreṣyati
- 2
अद्रिर् असि श्लोककृद् इत्य् आग्नीध्रो ऽश्मानम् आदायेषम् आवदोर्जम् आवदेति वृषारवेण दृषदुपले समाहन्ति शम्यया वा द्विर्दृषदि सकृद् उपलायाम्
adrir asi ślokakṛd ity āgnīdhro 'śmānam ādāyeṣam āvadorjam āvadeti vṛṣāraveṇa dṛṣadupale samāhanti śamyayā vā dvirdṛṣadi sakṛd upalāyām
- 3
त्रिः संचारयन्नव कृत्वः सम्पादयति
triḥ saṃcārayannava kṛtvaḥ sampādayati
- 4
उत्तुषान्कृत्वा वर्षवृद्धम् असीति पुरस्ताद् उत्तरतो वा शूर्पम् उपयच्छति
uttuṣānkṛtvā varṣavṛddham asīti purastād uttarato vā śūrpam upayacchati
- 5
वर्षवृद्धाः स्थेति पुरोडाश्यान् अभिमृश्य प्रति त्वा वर्षवृद्धं वेत्व् इत्य् उद्वपति
varṣavṛddhāḥ stheti puroḍāśyān abhimṛśya prati tvā varṣavṛddhaṃ vetv ity udvapati
- 6
परापूतं रक्ष इत्य् उत्करे निष्पुनाति
parāpūtaṃ rakṣa ity utkare niṣpunāti
- 7
प्रविद्धं रक्षः पराध्माता अमित्रा इति शूर्पात्तुषान्कपाले ध्वंसयति रक्षसां भागो ऽसीति तेन तुषापूरितेनोत्तरम् अपरम् अवान्तरदेशम् अधस्तात्कृष्णाजिनस्य सव्येन पाणिना तुषान् उपवपति नान्वीक्षते
praviddhaṃ rakṣaḥ parādhmātā amitrā iti śūrpāttuṣānkapāle dhvaṃsayati rakṣasāṃ bhāgo 'sīti tena tuṣāpūritenottaram aparam avāntaradeśam adhastātkṛṣṇājinasya savyena pāṇinā tuṣān upavapati nānvīkṣate
- 8
अवबाढं रक्ष इत्य् अवबाधते
avabāḍhaṃ rakṣa ity avabādhate
- 9
रौद्राक्षसनैरृतपैतृकछेदनभेदनखनननिरसनावघ्राणात्माभिमर्शनानि च कृत्वा सर्वत्राप उपस्पृशेत्
raudrākṣasanairṛtapaitṛkachedanabhedanakhanananirasanāvaghrāṇātmābhimarśanāni ca kṛtvā sarvatrāpa upaspṛśet
- 10
अभ्युक्ष्य कपालं निदधाति
abhyukṣya kapālaṃ nidadhāti
- 11
वायुर्व इति विविनक्ति
vāyurva iti vivinakti
- 12
देवो व इति पात्र्यां तण्डुलान्प्रस्कन्दयति
devo va iti pātryāṃ taṇḍulānpraskandayati
- 13
अदब्धेन वश्चक्षुषावपश्यामीत्य् अवेक्ष्य विविक्तान् अवहन्त्रे प्रयच्छंस्त्रिष्फलीकर्तवा इति संप्रेष्यति
adabdhena vaścakṣuṣāvapaśyāmīty avekṣya viviktān avahantre prayacchaṃstriṣphalīkartavā iti saṃpreṣyati
- 14
देवेभ्यः शुन्धध्वं देवेभ्यः शुम्भध्वं देवेभ्यः शुध्यध्वम् इति त्रिभिस्त्रिष्फलीकरोति
devebhyaḥ śundhadhvaṃ devebhyaḥ śumbhadhvaṃ devebhyaḥ śudhyadhvam iti tribhistriṣphalīkaroti

