7 shlokas
- 1
वृतो ब्रह्मा सुप्रक्षालितपाणिपाद आचान्तो ऽपरेणाहवनीयं दक्षिणातिक्रम्य दक्षिणतस्तिष्ठन्नमो ब्रह्मण इति ब्रह्मसदनम् उपस्थायाहे दैधिषव्येति सदनात्तृणं निरस्योन्निवत उद् उद्वतश्च गेषम् इत्य् उपविश्य पातं मा द्यावापृथिवी इति द्यावापृथिवी समीक्ष्य भूर्भुवः सुवः क इदं ब्रह्मेत्य् अहं भूपतिर् इत्य् एतौ जपित्वा
vṛto brahmā suprakṣālitapāṇipāda ācānto 'pareṇāhavanīyaṃ dakṣiṇātikramya dakṣiṇatastiṣṭhannamo brahmaṇa iti brahmasadanam upasthāyāhe daidhiṣavyeti sadanāttṛṇaṃ nirasyonnivata ud udvataśca geṣam ity upaviśya pātaṃ mā dyāvāpṛthivī iti dyāvāpṛthivī samīkṣya bhūrbhuvaḥ suvaḥ ka idaṃ brahmety ahaṃ bhūpatir ity etau japitvā
- 2
मन्त्रवत्सु कर्मसु वाचं यच्छति
mantravatsu karmasu vācaṃ yacchati
- 3
यदि व्याहरेद्वैष्णवीम् ऋचं व्याहृतीश्च जपित्वा वाचं यच्छति
yadi vyāharedvaiṣṇavīm ṛcaṃ vyāhṛtīśca japitvā vācaṃ yacchati
- 4
अध्वर्युर् अत्रासंनयतः पवित्रे कृत्वा दक्षाय त्वेति प्रणीताप्रणयनं चमसम् आदाय वानस्पत्यो ऽसीत्य् अद्भिस्त्रिः प्रक्षालयति
adhvaryur atrāsaṃnayataḥ pavitre kṛtvā dakṣāya tveti praṇītāpraṇayanaṃ camasam ādāya vānaspatyo 'sīty adbhistriḥ prakṣālayati
- 5
गोदोहनेन पशुकामस्य प्रणयेन्मृन्मयेनान्नाद्यकामस्य कंसेन ब्रह्मवर्चसकामस्य
godohanena paśukāmasya praṇayenmṛnmayenānnādyakāmasya kaṃsena brahmavarcasakāmasya
- 6
अपरेण गार्हपत्यं पवित्रान्तर्हिते चमसे को वो गृह्णाति स वो गृह्णात्व् इत्य् अप आनयति
apareṇa gārhapatyaṃ pavitrāntarhite camase ko vo gṛhṇāti sa vo gṛhṇātv ity apa ānayati
- 7
अनया वो ग्रहीष्यामीति पृथिवीं ध्यायन्न् अद्भिः पूरयित्वा देवो व इति पूर्ववद् उत्पूयाभिमन्त्रयते
anayā vo grahīṣyāmīti pṛthivīṃ dhyāyann adbhiḥ pūrayitvā devo va iti pūrvavad utpūyābhimantrayate

