24 shlokas
- 1
पवस्व दक्षसाधन इति गायत्री भवति सिद्ध्यै
pavasva dakṣasādhana iti gāyatrī bhavati siddhyai
- 2
यत्पवस्वेति तद्बृहतो रूपं बार्हतं ह्य् एतद् अहः
yatpavasveti tadbṛhato rūpaṃ bārhataṃ hy etad ahaḥ
- 3
तवाहं सोम रराण सख्य इन्दो दिवे दिवे पुरूणि बभ्रो नि चरन्ति मामव परिधींर् अति ताꣳ इहीति
tavāhaṃ soma rarāṇa sakhya indo dive dive purūṇi babhro ni caranti māmava paridhīṃr ati tām̐ ihīti
- 4
अति ह्य् आयञ्छकुना इव पप्तिमेत्य् अति ह्य् अपतत्
ati hy āyañchakunā iva paptimety ati hy apatat
- 5
पुनानो अक्रमीद् अभीति
punāno akramīd abhīti
- 6
गायत्र्यः सत्यस्त्रिष्टुभो रूपेण तस्मात्त्रिष्टुभां लोके क्रियन्ते
gāyatryaḥ satyastriṣṭubho rūpeṇa tasmāttriṣṭubhāṃ loke kriyante
- 7
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
- 8
चतुर्णिधनम् आथर्वणं भवति चतूरात्रस्य धृत्यै
caturṇidhanam ātharvaṇaṃ bhavati catūrātrasya dhṛtyai
- 9
चतुष्पदानुष्टुब् आनुष्टुभम् एतद् अहर्यच्चतुर्थम्
catuṣpadānuṣṭub ānuṣṭubham etad aharyaccaturtham
- 10
भेषजं वा आथर्वणानि भेषजम् एव तत्करोति
bheṣajaṃ vā ātharvaṇāni bheṣajam eva tatkaroti
- 11
निधनकामं भवति
nidhanakāmaṃ bhavati
- 12
एकं वा अन्येन निरुक्तेन निधनेन कामं सनोत्य् अथैतन्निधनकामं सर्वेषां कामानाम् अवरुद्ध्यै
ekaṃ vā anyena niruktena nidhanena kāmaṃ sanoty athaitannidhanakāmaṃ sarveṣāṃ kāmānām avaruddhyai
- 13
आष्टादंष्ट्रं भवति
āṣṭādaṃṣṭraṃ bhavati
- 14
यद् एवाष्टादंष्ट्रस्य ब्राह्मणम्
yad evāṣṭādaṃṣṭrasya brāhmaṇam
- 15
आभीशवं भवत्य् अह्नो धृत्यै
ābhīśavaṃ bhavaty ahno dhṛtyai
- 16
यद्वा अधृतम् अभीशुना तद्दाधार
yadvā adhṛtam abhīśunā taddādhāra
- 17
अनुतुन्नं गायति तथा ह्य् एतस्याह्नो रूपम्
anutunnaṃ gāyati tathā hy etasyāhno rūpam
- 18
चतुर्णिधनम् आङ्गिरसं भवति चतूरात्रस्य धृत्यै
caturṇidhanam āṅgirasaṃ bhavati catūrātrasya dhṛtyai
- 19
स्वःपृष्ठं तथा ह्य् एतस्याह्नो रूपम्
svaḥpṛṣṭhaṃ tathā hy etasyāhno rūpam
- 20
सत्त्रासाहीयं भवति
sattrāsāhīyaṃ bhavati
- 21
यद्वा असुराणाम् असोढम् आसीत्तद्देवाः सत्त्रासाहीयेनासहन्त सत्रैनान् असक्ष्महीति तत्सत्त्रासाहीयस्य सत्त्रासाहीयत्वम्
yadvā asurāṇām asoḍham āsīttaddevāḥ sattrāsāhīyenāsahanta satrainān asakṣmahīti tatsattrāsāhīyasya sattrāsāhīyatvam
- 22
सत्रा भ्रातृव्यं सहते सत्त्रासाहीयेन तुष्टुवानः
satrā bhrātṛvyaṃ sahate sattrāsāhīyena tuṣṭuvānaḥ
- 23
गायत्रीषु स्तुवन्ति प्रतिष्ठायै ब्रह्मवर्चसाय येनैव प्राणेन प्रयन्ति तम् अभ्युद्यन्ति
gāyatrīṣu stuvanti pratiṣṭhāyai brahmavarcasāya yenaiva prāṇena prayanti tam abhyudyanti
- 24
वृषण्वत्यो गायत्रयो भवन्ति तद् उ त्रैष्टुभाद्रूपान्न यन्ति स्तोमः
vṛṣaṇvatyo gāyatrayo bhavanti tad u traiṣṭubhādrūpānna yanti stomaḥ

