8 shlokas
- 1
जनस्य गोपा अजनिष्ट जागृविः इत्य् आग्नेयम् आज्यं भवति
janasya gopā ajaniṣṭa jāgṛviḥ ity āgneyam ājyaṃ bhavati
- 2
जनद्वद्वा एतद् अहर्यच्चतुर्थम् अन्नाद्यं जनयति विराजं जनयत्य् एकविंशं स्तोमं जनयति
janadvadvā etad aharyaccaturtham annādyaṃ janayati virājaṃ janayaty ekaviṃśaṃ stomaṃ janayati
- 3
अयं वां मित्रावरुणा इति बार्हतं मैत्रावरुणम्
ayaṃ vāṃ mitrāvaruṇā iti bārhataṃ maitrāvaruṇam
- 4
बृहद् एतत्परोक्षं यद्वैरूपं बार्हतम् एव तद्रूपं निर्द्योतयति
bṛhad etatparokṣaṃ yadvairūpaṃ bārhatam eva tadrūpaṃ nirdyotayati
- 5
इन्द्रो दधीचो अस्थिभिर् इति दाधीचस्तृचो भवति
indro dadhīco asthibhir iti dādhīcastṛco bhavati
- 6
दध्यङ्वा आङ्गिरसो देवानां पुरोधानीय आसीद् अन्नं वै ब्रह्मणः पुरोधा अन्नाद्यस्यावरुद्ध्यै
dadhyaṅvā āṅgiraso devānāṃ purodhānīya āsīd annaṃ vai brahmaṇaḥ purodhā annādyasyāvaruddhyai
- 7
इयं वाम् अस्य मन्मन इत्य् ऐन्द्राग्नम्
iyaṃ vām asya manmana ity aindrāgnam
- 8
इन्द्राग्नी पूर्व्यस्तुतिर् अभ्राद्वृष्टिर् इवाजनीत्य् आनुष्टुभी वै वृष्टिर् आनुष्टुभम् एतद् अहर्यच्चतुर्थं समीच्यौ विराजौ दधात्य् अन्नाद्याय स्तोमः
indrāgnī pūrvyastutir abhrādvṛṣṭir ivājanīty ānuṣṭubhī vai vṛṣṭir ānuṣṭubham etad aharyaccaturthaṃ samīcyau virājau dadhāty annādyāya stomaḥ

