17 shlokas
- 1
संमितम् अभिमृशति वैष्णवम् असि विष्णवे त्वेति
saṃmitam abhimṛśati vaiṣṇavam asi viṣṇave tveti
- 2
संमिताद्यजमानं प्राञ्चम् उपनिष्क्रामति प्र तद्विष्णुः स्तवते वीर्याय मृगो न भीमः कुचरो गिरिष्ठाः
यस्योरुषु त्रिषु विक्रमणेष्व् अधिक्षियन्ति भुवनानि विश्वा
इति
त्रिः प्रक्रामयतीति विज्ञायते
saṃmitādyajamānaṃ prāñcam upaniṣkrāmati pra tadviṣṇuḥ stavate vīryāya mṛgo na bhīmaḥ kucaro giriṣṭhāḥ
yasyoruṣu triṣu vikramaṇeṣv adhikṣiyanti bhuvanāni viśvā
iti
triḥ prakrāmayatīti vijñāyate
- 3
उपनिष्क्रामतीत्य् एकेषाम्
upaniṣkrāmatīty ekeṣām
- 4
प्राचीनवंशं हविर्धानं मिन्वन्ति
prācīnavaṃśaṃ havirdhānaṃ minvanti
- 5
प्राचीनवंशम् आग्नीध्रं दक्षिणाद्वारम् अर्धम् अन्तर्वेद्य् अर्धं बहिर्वेदि
prācīnavaṃśam āgnīdhraṃ dakṣiṇādvāram ardham antarvedy ardhaṃ bahirvedi
- 6
तिरश्चीनम् उदगायतं सदः
tiraścīnam udagāyataṃ sadaḥ
- 7
तत्रैषो ऽत्यन्तप्रदेशः
न प्राङ्हविर्धाने अतीयाद् अध्वर्युः
tatraiṣo 'tyantapradeśaḥ
na prāṅhavirdhāne atīyād adhvaryuḥ
- 8
यद्य् अतीयाद्वैष्णव्यर्चा संचरेत्क्षैत्रपत्या वा
yady atīyādvaiṣṇavyarcā saṃcaretkṣaitrapatyā vā
- 9
न प्रत्यक्सदो ऽतीयात्
na pratyaksado 'tīyāt
- 10
यद्य् अतीयाद् ऐन्द्र्यर्चा संचरेद् इति विज्ञायते
yady atīyād aindryarcā saṃcared iti vijñāyate
- 11
पश्चार्ध्याच्छङ्कोस्त्रीन्प्राचः प्रक्रमान्प्रक्रम्य औदुम्बरीं सर्वस्य सदसो मध्यतो मिनोति
paścārdhyācchaṅkostrīnprācaḥ prakramānprakramya audumbarīṃ sarvasya sadaso madhyato minoti
- 12
दक्षिणेन पृष्ठ्यां प्रक्रम औदुम्बरीं सर्वस्य सदसो मध्यतो मिनोति
dakṣiṇena pṛṣṭhyāṃ prakrama audumbarīṃ sarvasya sadaso madhyato minoti
- 13
नवारत्नि तिर्यक्सप्तविंशतिर् उदगायतम् इति सदसो विज्ञायते
अष्टादशेत्य् एकेषाम्
navāratni tiryaksaptaviṃśatir udagāyatam iti sadaso vijñāyate
aṣṭādaśety ekeṣām
- 14
यावद् ऋत्विग्भ्यो धिष्णियेभ्यः प्रसर्पकेभ्य आप्तं मन्यते तावत्सदः करोतीत्य् एकेषाम्
yāvad ṛtvigbhyo dhiṣṇiyebhyaḥ prasarpakebhya āptaṃ manyate tāvatsadaḥ karotīty ekeṣām
- 15
सावित्रेणाभ्रिम् आदायौदुम्बर्या अवटं परिलिखति परिलिखितं रक्षः परिलिखिता अरातय इति
sāvitreṇābhrim ādāyaudumbaryā avaṭaṃ parilikhati parilikhitaṃ rakṣaḥ parilikhitā arātaya iti
- 16
खात्वा यवमतीभिः प्रोक्षणीभिर् औदुम्बरीं प्रोक्षति
दिवे त्वेत्य् अग्रम्
अन्तरिक्षाय त्वेति मध्यम्
पृथिव्यै त्वेति मूलम्
khātvā yavamatībhiḥ prokṣaṇībhir audumbarīṃ prokṣati
dive tvety agram
antarikṣāya tveti madhyam
pṛthivyai tveti mūlam
- 17
अपाम् अवनयनं यवस्य प्रासनं बर्हिषो ऽवस्तरणम् इति यूपो व्याख्यातम्
apām avanayanaṃ yavasya prāsanaṃ barhiṣo 'vastaraṇam iti yūpo vyākhyātam

