14 shlokas
- 1
यदातिथ्याया ध्रौवम् आज्यं तत्कंसे चमसे वा पञ्चगृहीतं तानूनप्त्रं समवद्यत्य् आपतये त्वा गृह्णामीत्य् एतैर्मन्त्रैः
yadātithyāyā dhrauvam ājyaṃ tatkaṃse camase vā pañcagṛhītaṃ tānūnaptraṃ samavadyaty āpataye tvā gṛhṇāmīty etairmantraiḥ
- 2
तद्यजमानसप्तदशा ऋत्विजः संमृशन्ति यजमानपञ्चमा वा महर्त्विजो ऽनाधृष्टम् अस्य् अनाधृष्यं देवानाम् ओजो ऽभिशस्तिपा अनभिशस्तेन्यम् इति
tadyajamānasaptadaśā ṛtvijaḥ saṃmṛśanti yajamānapañcamā vā mahartvijo 'nādhṛṣṭam asy anādhṛṣyaṃ devānām ojo 'bhiśastipā anabhiśastenyam iti
- 3
अनु मे दीक्षां दीक्षापतिर्मन्यताम् इति यजमानो ऽवमृशति
anu me dīkṣāṃ dīkṣāpatirmanyatām iti yajamāno 'vamṛśati
- 4
तद्यजमानस्त्रिर् अवजिघ्रेत्प्रजापतौ त्वा मनसि जुहोमीति
tadyajamānastrir avajighretprajāpatau tvā manasi juhomīti
- 5
अपि वान्वहम् एकैकस्मिन्व्रते प्रतिनयेत्
api vānvaham ekaikasminvrate pratinayet
- 6
ततः संप्रेष्यत्य् अग्नीन्मदन्त्य् आपा३ इति
tataḥ saṃpreṣyaty agnīnmadanty āpā3 iti
- 7
मदन्ति देवीर् अमृता ऋतावृध इत्य् आग्नीध्रः
madanti devīr amṛtā ṛtāvṛdha ity āgnīdhraḥ
- 8
ताभिर् आद्रवेत्य् अध्वर्युः
tābhir ādravety adhvaryuḥ
- 9
मदन्तीभिर्मार्जयित्वा विस्रस्य राजानं सहिरण्यैः पाणिभिर् आप्याययन्ति ये तानूनप्त्रं समवमृशन्त्य् अंशुर् अंशुस्ते देव सोमाप्यायताम् इति प्रतिपद्य स्वस्ति ते देव सोम सुत्याम् अशीयेत्य् अन्तेन
madantībhirmārjayitvā visrasya rājānaṃ sahiraṇyaiḥ pāṇibhir āpyāyayanti ye tānūnaptraṃ samavamṛśanty aṃśur aṃśuste deva somāpyāyatām iti pratipadya svasti te deva soma sutyām aśīyety antena
- 10
दक्षिणे वेद्यन्ते प्रस्तरे निह्नवन्ते दक्षिणान् उत्तानान्पाणीन्कृत्वा सव्यान्नीच एष्टा रायः प्रेषे भगायेति
dakṣiṇe vedyante prastare nihnavante dakṣiṇān uttānānpāṇīnkṛtvā savyānnīca eṣṭā rāyaḥ preṣe bhagāyeti
- 11
ततः संप्रेष्यति सुब्रह्मण्य सुब्रह्मण्याम् आह्वयेति
tataḥ saṃpreṣyati subrahmaṇya subrahmaṇyām āhvayeti
- 12
एवम् एव सर्वासु सुब्रह्मण्यासु संप्रेष्यति
evam eva sarvāsu subrahmaṇyāsu saṃpreṣyati
- 13
सुब्रह्मण्यायां यजमानं वाचयति सासि सुब्रह्मण्ये तस्यास्ते द्यौः पादः
सासि सुब्रह्मण्ये तस्यास्ते दिशः पादः
परोरजास्ते पञ्चमः पादः
सा न इषम् ऊर्जं धुक्ष्व तेज इन्द्रियं ब्रह्मवर्चसम् अन्नाद्यम् इति
subrahmaṇyāyāṃ yajamānaṃ vācayati sāsi subrahmaṇye tasyāste dyauḥ pādaḥ
sāsi subrahmaṇye tasyāste diśaḥ pādaḥ
parorajāste pañcamaḥ pādaḥ
sā na iṣam ūrjaṃ dhukṣva teja indriyaṃ brahmavarcasam annādyam iti
- 14
एवम् एव सर्वासु सुब्रह्मण्यासु यजमानं वाचयति
evam eva sarvāsu subrahmaṇyāsu yajamānaṃ vācayati

