11 shlokas
- 1
उपरवान्व्याख्यास्यामः
uparavānvyākhyāsyāmaḥ
- 2
दक्षिणस्य हविर्धानस्याधस्तात्परो ऽक्षं चत्वारो ऽवान्तरदेशेषु प्रादेशमुखाः प्रादेशान्तराला भवन्ति
असंभिन्ना उपरिष्टात्संतृण्णा अधस्तात्
dakṣiṇasya havirdhānasyādhastātparo 'kṣaṃ catvāro 'vāntaradeśeṣu prādeśamukhāḥ prādeśāntarālā bhavanti
asaṃbhinnā upariṣṭātsaṃtṛṇṇā adhastāt
- 3
सावित्रेणाभ्रिम् आदाय परिलिखति परिलिखितं रक्षः परिलिखिता अरातय इति
sāvitreṇābhrim ādāya parilikhati parilikhitaṃ rakṣaḥ parilikhitā arātaya iti
- 4
दक्षिणयोः पूर्वं ततो ऽपरं तत उत्तरतस्ततः पूर्वम्
dakṣiṇayoḥ pūrvaṃ tato 'paraṃ tata uttaratastataḥ pūrvam
- 5
एवम् अनुपूर्वाण्य् एवैष्व् अत ऊर्ध्वं कर्माणि क्रियन्ते
evam anupūrvāṇy evaiṣv ata ūrdhvaṃ karmāṇi kriyante
- 6
बाहुमात्रान्खात्वाभ्र्या प्रहरति रक्षोहणो वलगहनो वैष्णवान्खनामीति
सकृद् एव मन्त्रं जपति
bāhumātrānkhātvābhryā praharati rakṣohaṇo valagahano vaiṣṇavānkhanāmīti
sakṛd eva mantraṃ japati
- 7
विराड् असि सपत्नहेति बाहुम् उपावहृत्य पुरीषम् उद्वपतीदम् अहं तं वलगम् उद्वपामि यं नः समानो यम् असमानो निचखानेति
virāḍ asi sapatnaheti bāhum upāvahṛtya purīṣam udvapatīdam ahaṃ taṃ valagam udvapāmi yaṃ naḥ samāno yam asamāno nicakhāneti
- 8
उपरवबिले न्युप्यावबाधत इदम् एनम् अधरं करोमि यो नः समानो यो ऽसमानो ऽरातीयति गायत्रेण छन्दसेति
uparavabile nyupyāvabādhata idam enam adharaṃ karomi yo naḥ samāno yo 'samāno 'rātīyati gāyatreṇa chandaseti
- 9
एवम् एवोत्तरेणोत्तरेण मन्त्रेणोत्तरेषु बाहुम् उपावहृत्य पुरीषम् उद्वपत्य् उत्तरेणोत्तरेण छन्दसावबाधते
त्रैष्टुभं जागतम् आनुष्टुभं पाङ्क्तम् इत्य् एतान्य् आम्नातानि भवन्ति
evam evottareṇottareṇa mantreṇottareṣu bāhum upāvahṛtya purīṣam udvapaty uttareṇottareṇa chandasāvabādhate
traiṣṭubhaṃ jāgatam ānuṣṭubhaṃ pāṅktam ity etāny āmnātāni bhavanti
- 10
निरस्तो वलग इति पुरीषं हरति
nirasto valaga iti purīṣaṃ harati
- 11
अवबाढो दुरस्युर् इति खरे न्युप्यावबाधते
avabāḍho durasyur iti khare nyupyāvabādhate

