20 shlokas
- 1
स्वपराह्ण आपराह्णिकीभ्यां प्रवर्ग्योपसद्भ्यां प्रचरन्ति
svaparāhṇa āparāhṇikībhyāṃ pravargyopasadbhyāṃ pracaranti
- 2
अयाशयाम् एव जुहोति
ayāśayām eva juhoti
- 3
एतावन्नाना
याः प्रातर्याज्याः स्युस्ताः सायं पुरोनुवाक्याः कुर्यात्
याः पुरोनुवाक्यास्ता याज्याः
etāvannānā
yāḥ prātaryājyāḥ syustāḥ sāyaṃ puronuvākyāḥ kuryāt
yāḥ puronuvākyāstā yājyāḥ
- 4
सव्यान् उत्तानान्पाणीन्कृत्वा निह्नवन्ते दक्षिणान्नीचः
savyān uttānānpāṇīnkṛtvā nihnavante dakṣiṇānnīcaḥ
- 5
चतुःस्तनं मध्यरात्रे व्रतयति
catuḥstanaṃ madhyarātre vratayati
- 6
जागर्त्य् एतां रात्रिम्
jāgarty etāṃ rātrim
- 7
सुपूर्वाह्णे पौर्वाह्णिकीभ्यां प्रवर्ग्योपसद्भ्यां प्रचरन्ति
supūrvāhṇe paurvāhṇikībhyāṃ pravargyopasadbhyāṃ pracaranti
- 8
रजाशयाम् अत्रोपसदं जुहोति
rajāśayām atropasadaṃ juhoti
- 9
संस्थितायाम् उपसदि महावेदिं विमिमीते विमिमे त्वा पयस्वतीं देवानां धेनुं सुदुघाम् अनपस्फुरन्तीम्
इन्द्रः सोमं पिबतु क्षेमो अस्तु न इति
saṃsthitāyām upasadi mahāvediṃ vimimīte vimime tvā payasvatīṃ devānāṃ dhenuṃ sudughām anapasphurantīm
indraḥ somaṃ pibatu kṣemo astu na iti
- 10
अग्रेण प्राग्वंशं त्रीन्प्राचः प्रक्रमान्प्रक्रम्य शङ्कुं निहन्ति
agreṇa prāgvaṃśaṃ trīnprācaḥ prakramānprakramya śaṅkuṃ nihanti
- 11
स वेदेः पश्चार्ध्यः शङ्कुः
sa vedeḥ paścārdhyaḥ śaṅkuḥ
- 12
ततः षट्त्रिंशतं प्राचः प्रक्रमान्प्रक्रम्य शङ्कुं निहन्ति
tataḥ ṣaṭtriṃśataṃ prācaḥ prakramānprakramya śaṅkuṃ nihanti
- 13
स यूपावट्यः शङ्कुः
sa yūpāvaṭyaḥ śaṅkuḥ
- 14
पश्चार्ध्याच्छङ्कोः पञ्चदश दक्षिणा प्रक्रमान्प्रक्रम्य पञ्चदशोत्तरतस्तच्छङ्कुं निहन्ति
paścārdhyācchaṅkoḥ pañcadaśa dakṣiṇā prakramānprakramya pañcadaśottaratastacchaṅkuṃ nihanti
- 15
ते श्रोणी भवतः
te śroṇī bhavataḥ
- 16
यूपावट्याच्छङ्कोर्द्वादश दक्षिणा प्रक्रमान्प्रक्रम्य द्वादशोत्तरतस्तच्छङ्कुं निहन्ति
yūpāvaṭyācchaṅkordvādaśa dakṣiṇā prakramānprakramya dvādaśottaratastacchaṅkuṃ nihanti
- 17
ताव् अंसौ भवतः
tāv aṃsau bhavataḥ
- 18
अथैनम् अक्ष्णया प्रमाणेन प्रमाय स्पन्द्यया पर्यातनोति
athainam akṣṇayā pramāṇena pramāya spandyayā paryātanoti
- 19
अन्वातनोति पृष्ठ्याम्
anvātanoti pṛṣṭhyām
- 20
अथैनां स्फ्येन विघनेन पर्श्वा परशुनेति कुर्वन्ति
athaināṃ sphyena vighanena parśvā paraśuneti kurvanti

