18 shlokas
- 1
आसन्नं राजानं यजमानो ऽभिमन्त्रयत एष वो देव सवितः सोमस्तं रक्षध्वं मा वो दभद् एतत्त्वं सोम देवो देवान् उपागा इति
āsannaṃ rājānaṃ yajamāno 'bhimantrayata eṣa vo deva savitaḥ somastaṃ rakṣadhvaṃ mā vo dabhad etattvaṃ soma devo devān upāgā iti
- 2
प्रदक्षिणम् आवर्तत इदम् अहं मनुष्यो मनुष्यान्सह प्रजया सह रायस्पोषेणेति
pradakṣiṇam āvartata idam ahaṃ manuṣyo manuṣyānsaha prajayā saha rāyaspoṣeṇeti
- 3
नमो देवेभ्य इति प्राचीनम् अञ्जलिं करोति
namo devebhya iti prācīnam añjaliṃ karoti
- 4
स्वधा पितृभ्य इति दक्षिणतः
svadhā pitṛbhya iti dakṣiṇataḥ
- 5
उपनिष्क्रामतीदम् अहं निर्वरुणस्य पाशाद् इति
upaniṣkrāmatīdam ahaṃ nirvaruṇasya pāśād iti
- 6
विहारम् अभिवीक्षते सुवर् अभि वि ख्येषं वैश्वानरं ज्योतिर् इति
vihāram abhivīkṣate suvar abhi vi khyeṣaṃ vaiśvānaraṃ jyotir iti
- 7
ततो ऽवान्तरदीक्षां विसृजते
tato 'vāntaradīkṣāṃ visṛjate
- 8
दक्षिणतस्तिष्ठन्न् आहवनीयम् अभिमन्त्रयते ऽग्ने व्रतपते त्वं व्रतानां व्रतपतिर् असीति
dakṣiṇatastiṣṭhann āhavanīyam abhimantrayate 'gne vratapate tvaṃ vratānāṃ vratapatir asīti
- 9
नितरां मेखलां मृध्नीते
nitarāṃ mekhalāṃ mṛdhnīte
- 10
ततो मुष्टी विसृजते
स्वाहा यज्ञं मनसेति द्वे
स्वाहा द्यावापृथिवीभ्याम् इति द्वे
स्वाहोरोर् अन्तरिक्षाद् इति द्वे
स्वाहा यज्ञं वाताद् आरभ इति द्वे
tato muṣṭī visṛjate
svāhā yajñaṃ manaseti dve
svāhā dyāvāpṛthivībhyām iti dve
svāhoror antarikṣād iti dve
svāhā yajñaṃ vātād ārabha iti dve
- 11
स्वाहा वाचि वातो विसृज इति वाचं विसृजते
svāhā vāci vāto visṛja iti vācaṃ visṛjate
- 12
निवर्तते व्रतम्
nivartate vratam
- 13
सोमान्हविःशेषान् इति सुत्ये ऽहनि भक्षयति
somānhaviḥśeṣān iti sutye 'hani bhakṣayati
- 14
तत इध्मं बर्हिर् इति प्रोक्षति दर्शपूर्णमासयोः
tata idhmaṃ barhir iti prokṣati darśapūrṇamāsayoḥ
- 15
अथैतद्बर्हिः सर्वस्यां महावेद्यां स्तृणीयाद् इत्य् एकम्
अपरेणोत्तरवेदिम् इत्य् अपरम्
athaitadbarhiḥ sarvasyāṃ mahāvedyāṃ stṛṇīyād ity ekam
apareṇottaravedim ity aparam
- 16
यत्किं चात ऊर्ध्वं बर्हिर् आगच्छेद् एवम् एवैनं स्तृणीयात्
yatkiṃ cāta ūrdhvaṃ barhir āgacched evam evainaṃ stṛṇīyāt
- 17
समानम् आ स्रुचां सादनात्
samānam ā srucāṃ sādanāt
- 18
स्रुचः सादयित्वा
srucaḥ sādayitvā

