18 shlokas
- 1
यूपं छिनत्ति
yūpaṃ chinatti
- 2
दीक्षासु यूपं छिनत्त्य् उपसत्सु वा
dīkṣāsu yūpaṃ chinatty upasatsu vā
- 3
विज्ञायते यदि दीक्षितस्यावृक्णो यूपः स्याद् अरणी चाज्यं चादाय यूपस्यान्ते ऽग्निं मथित्वा जुहुयाद् इति
vijñāyate yadi dīkṣitasyāvṛkṇo yūpaḥ syād araṇī cājyaṃ cādāya yūpasyānte 'gniṃ mathitvā juhuyād iti
- 4
अथ यदि क्रीतः सोमः स्याद् आहवनीय एव जुहुयात्
atha yadi krītaḥ somaḥ syād āhavanīya eva juhuyāt
- 5
समानम् आ पशूपाकरणात्
samānam ā paśūpākaraṇāt
- 6
अग्नीषोमीयं पशुम् उपाकरोति
agnīṣomīyaṃ paśum upākaroti
- 7
समानम् आ प्रवरात्
samānam ā pravarāt
- 8
प्राकृतेन प्रवरेण होतारं वृत्वा पुनर् आश्राव्योपांशुनामधेयग्राहम् अस्फ्य उत्तरान् ऋत्विजो वृणीते
prākṛtena pravareṇa hotāraṃ vṛtvā punar āśrāvyopāṃśunāmadheyagrāham asphya uttarān ṛtvijo vṛṇīte
- 9
इन्द्रं होत्राद् असौ मानुष इति होतारम्
indraṃ hotrād asau mānuṣa iti hotāram
- 10
अग्निम् आग्नीध्राद् असौ मानुष इत्य् आग्नीध्रम्
agnim āgnīdhrād asau mānuṣa ity āgnīdhram
- 11
अश्विनाध्वर्यू आध्वर्यवाद् अहं चासौ मानुषाव् इत्य् आत्मानं प्रतिप्रस्थातारं च
aśvinādhvaryū ādhvaryavād ahaṃ cāsau mānuṣāv ity ātmānaṃ pratiprasthātāraṃ ca
- 12
मित्रावरुणौ प्रशास्तारौ प्रशास्त्राद् असौ मानुष इति मैत्रावरुणम्
mitrāvaruṇau praśāstārau praśāstrād asau mānuṣa iti maitrāvaruṇam
- 13
इन्द्रो ब्रह्मा ब्राह्मणाद् असौ मानुष इति ब्राह्मणाच्छंसिनम्
indro brahmā brāhmaṇād asau mānuṣa iti brāhmaṇācchaṃsinam
- 14
मरुतः पोत्राद् असौ मानुष इति पोतारम्
marutaḥ potrād asau mānuṣa iti potāram
- 15
ग्नावो नेष्ट्राद् असौ मानुष इति नेष्टारम्
gnāvo neṣṭrād asau mānuṣa iti neṣṭāram
- 16
ततो यजमानं वृणीते ऽग्निर्दैवीनां विशां पुरएतायं सुन्वन्यजमानो मनुष्याणां तयोर्नाव् अस्थूरि गार्हपत्यानि सन्तु शतं हिमा द्वा यू राधांसीत्संपृञ्चानाव् असंपृञ्चानौ तन्व इति
tato yajamānaṃ vṛṇīte 'gnirdaivīnāṃ viśāṃ puraetāyaṃ sunvanyajamāno manuṣyāṇāṃ tayornāv asthūri gārhapatyāni santu śataṃ himā dvā yū rādhāṃsītsaṃpṛñcānāv asaṃpṛñcānau tanva iti
- 17
सवनीय एके वृणते
तत्र सुन्वन्न् इति ब्रूयात्
savanīya eke vṛṇate
tatra sunvann iti brūyāt
- 18
अयं यजमानो मनुष्याणाम् इत्य् अग्नीषोमीये वृणानः
ayaṃ yajamāno manuṣyāṇām ity agnīṣomīye vṛṇānaḥ

