19 shlokas
- 1
ततो ऽवान्तरदीक्षाम् उपैति
tato 'vāntaradīkṣām upaiti
- 2
दक्षिणतस्तिष्ठन्न् आहवनीयम् अभिमन्त्रयते ऽग्ने व्रतपते त्वं व्रतानां व्रतपतिर् असीति
dakṣiṇatastiṣṭhann āhavanīyam abhimantrayate 'gne vratapate tvaṃ vratānāṃ vratapatir asīti
- 3
संतरां मेखलां समायच्छते
saṃtarāṃ mekhalāṃ samāyacchate
- 4
संतरां मुष्टिं कर्षते
saṃtarāṃ muṣṭiṃ karṣate
- 5
तप्तव्रतो भवति
taptavrato bhavati
- 6
मदन्तीभिर्मार्जयते
madantībhirmārjayate
- 7
या ते अग्ने रुद्रिया तनूर् इति व्रतयति
yā te agne rudriyā tanūr iti vratayati
- 8
यद् आतिथ्याया बर्हिस्तद् उपसदां तद् अग्नीषोमीयस्य
तद् एव प्रस्तरपरिधीति विज्ञायते
yad ātithyāyā barhistad upasadāṃ tad agnīṣomīyasya
tad eva prastaraparidhīti vijñāyate
- 9
प्रवर्ग्येण प्रचर्योपसदस्तन्त्रं प्रक्रमयति
उपसदा वा पूर्वम्
pravargyeṇa pracaryopasadastantraṃ prakramayati
upasadā vā pūrvam
- 10
तत्स्तीर्णम् एव बर्हिर्भवति
तत्परिहिताः परिधयः
tatstīrṇam eva barhirbhavati
tatparihitāḥ paridhayaḥ
- 11
दशदारुम् इध्मं करोति
daśadārum idhmaṃ karoti
- 12
वेदं कृत्वाग्नीन्परिस्तीर्य हस्ताव् अवनिज्य पात्राणि प्रयुज्योलपराजीं स्तीर्त्वा पवित्रे कृत्वा संप्रेष्यति यजमान वाचं यच्छेति
vedaṃ kṛtvāgnīnparistīrya hastāv avanijya pātrāṇi prayujyolaparājīṃ stīrtvā pavitre kṛtvā saṃpreṣyati yajamāna vācaṃ yaccheti
- 13
वाग्यतः पात्राणि संमृशति
vāgyataḥ pātrāṇi saṃmṛśati
- 14
प्रोक्षणीः संस्कृत्य ब्रह्माणम् आमन्त्र्य पात्राणि प्रोक्ष्य हविष्कृता वाचं विसृज्य बर्हिषो दर्भान् एव स्तम्बयजुर्हरति
prokṣaṇīḥ saṃskṛtya brahmāṇam āmantrya pātrāṇi prokṣya haviṣkṛtā vācaṃ visṛjya barhiṣo darbhān eva stambayajurharati
- 15
स्फ्यं स्तब्ध्वा संप्रेष्यति प्रोक्षणीर् आसादयेध्मम् उपसादय स्रुवं च स्रुचश्च संमृड्ढ्य् आज्येनोदेहीति
sphyaṃ stabdhvā saṃpreṣyati prokṣaṇīr āsādayedhmam upasādaya sruvaṃ ca srucaśca saṃmṛḍḍhy ājyenodehīti
- 16
समानम् आज्यानां ग्रहणात्
samānam ājyānāṃ grahaṇāt
- 17
ध्रुवायाम् एव गृह्णाति
dhruvāyām eva gṛhṇāti
- 18
प्रोक्षणीर् अभिमन्त्र्य ब्रह्माणम् आमन्त्र्येध्मं वेदिं च प्रोक्ष्य प्रोक्षण्यवशेषं निनीयाग्निम् अभिमन्त्र्य पूर्वाम् आघारसमिधम् आधायान्तर्वेदि ध्रुवां सादयित्वा स्रुवं सादयति
एषासदद् इति मन्त्रं संनमति
prokṣaṇīr abhimantrya brahmāṇam āmantryedhmaṃ vediṃ ca prokṣya prokṣaṇyavaśeṣaṃ ninīyāgnim abhimantrya pūrvām āghārasamidham ādhāyāntarvedi dhruvāṃ sādayitvā sruvaṃ sādayati
eṣāsadad iti mantraṃ saṃnamati
- 19
विष्ण्व् असि वैष्णवं धाम प्राजापत्यम् इत्य् आज्यम् अभिमन्त्रयते
viṣṇv asi vaiṣṇavaṃ dhāma prājāpatyam ity ājyam abhimantrayate

