13 shlokas
- 1
हविर्धानाभ्यां प्रोह्यमाणाभ्याम् अनुब्रूहीति
havirdhānābhyāṃ prohyamāṇābhyām anubrūhīti
- 2
त्रिर् अनूक्तायां प्रथमायाम् उद्गृह्णन्तः प्रवर्तयन्ति प्राची प्रेतम् अध्वरं कल्पयन्तीति
trir anūktāyāṃ prathamāyām udgṛhṇantaḥ pravartayanti prācī pretam adhvaraṃ kalpayantīti
- 3
यद्य् अक्ष उत्सर्जेत्सुवाग्देव दुर्यां आवदेत्य् एतद् अभिमन्त्रयेत
yady akṣa utsarjetsuvāgdeva duryāṃ āvadety etad abhimantrayeta
- 4
अध्वर्युर्दक्षिणस्य हविर्धानस्य दक्षिणे वर्त्मनि हिरण्यम् उपास्य जुहोतीदं विष्णुर्वि चक्रम इति
adhvaryurdakṣiṇasya havirdhānasya dakṣiṇe vartmani hiraṇyam upāsya juhotīdaṃ viṣṇurvi cakrama iti
- 5
एवं प्रतिप्रस्थातोत्तरस्योत्तरे वर्त्मनि हिरण्यम् उपास्य जुहोतीरावती धेनुमती हि भूतम् इति
evaṃ pratiprasthātottarasyottare vartmani hiraṇyam upāsya juhotīrāvatī dhenumatī hi bhūtam iti
- 6
तत्रैषो ऽत्यन्तप्रदेशः
यानि दक्षिणस्य कर्माण्य् अध्वर्युस्तानि कुर्याद् उत्तरस्य प्रतिप्रस्थाता
tatraiṣo 'tyantapradeśaḥ
yāni dakṣiṇasya karmāṇy adhvaryustāni kuryād uttarasya pratiprasthātā
- 7
वितृतीयदेशे होता मनसा पदा जन्यं भयं प्रतिनुदत्य् अप जन्यं भयं चक्राणि वर्तय
गृहं सोमस्य गच्छतम्
इति
अध्वर्युर् इत्य् एकेषां ब्रह्मेत्य् एकेषां यजमान इत्य् एकेषां
vitṛtīyadeśe hotā manasā padā janyaṃ bhayaṃ pratinudaty apa janyaṃ bhayaṃ cakrāṇi vartaya
gṛhaṃ somasya gacchatam
iti
adhvaryur ity ekeṣāṃ brahmety ekeṣāṃ yajamāna ity ekeṣāṃ
- 8
अपरेणोत्तरवेदिं त्रिषु प्रक्रमेष्व् अपरिमिते वाभितः पृष्ठ्यां नभ्यस्थे स्थापयतो ऽत्र रमेथां वर्ष्मन्पृथिव्या इति
apareṇottaravediṃ triṣu prakrameṣv aparimite vābhitaḥ pṛṣṭhyāṃ nabhyasthe sthāpayato 'tra ramethāṃ varṣmanpṛthivyā iti
- 9
यथार्थं हविर्धानयोर् अन्तरालं भवति
yathārthaṃ havirdhānayor antarālaṃ bhavati
- 10
वैष्णवम् असि विष्णुस्त्वोत्तभ्नात्व् इत्य् उपस्तभ्नीतः
vaiṣṇavam asi viṣṇustvottabhnātv ity upastabhnītaḥ
- 11
पुरस्ताद् उन्नते भवतः
purastād unnate bhavataḥ
- 12
अध्वर्युर्दक्षिणस्य हविर्धानस्य दक्षिणं कर्णातर्दं प्रति मेथीं निहन्ति दिवो वा विष्णव् उत वा पृथिव्या इति
adhvaryurdakṣiṇasya havirdhānasya dakṣiṇaṃ karṇātardaṃ prati methīṃ nihanti divo vā viṣṇav uta vā pṛthivyā iti
- 13
एवं प्रतिप्रस्थाता
evaṃ pratiprasthātā

