11 shlokas
- 1
शालामुखीय इध्मम् आदीप्य संप्रेष्यत्य् अग्नीषोमाभ्यां प्रणीयमानाभ्याम् अनुब्रूहीति
śālāmukhīya idhmam ādīpya saṃpreṣyaty agnīṣomābhyāṃ praṇīyamānābhyām anubrūhīti
- 2
त्रिर् अनूक्तायां प्रथमायाम् अग्निप्रथमाः प्राञ्चो ऽभिप्रव्रजन्ति
trir anūktāyāṃ prathamāyām agniprathamāḥ prāñco 'bhipravrajanti
- 3
अथैनम् अनुहरन्त्य् आज्यान्य् अनुहरन्तीध्माबर्हिर् अनुहरन्ति प्रोक्षणीर् अनुनयन्त्य् अग्नीषोमीयम्
athainam anuharanty ājyāny anuharantīdhmābarhir anuharanti prokṣaṇīr anunayanty agnīṣomīyam
- 4
आग्नीध्र एतम् इध्मं सादयित्वा नयवत्यर्चा अभिजुहोत्य् अयं नो अग्निर्वरिवः कृणोत्विति
āgnīdhra etam idhmaṃ sādayitvā nayavatyarcā abhijuhoty ayaṃ no agnirvarivaḥ kṛṇotviti
- 5
अत्रैव ग्राव्णो वायव्यानि द्रोणकलशम् आग्नीध्र उपवासयति
atraiva grāvṇo vāyavyāni droṇakalaśam āgnīdhra upavāsayati
- 6
सोमप्रथमाः प्राञ्चो ऽभिप्रव्रजन्ति
somaprathamāḥ prāñco 'bhipravrajanti
- 7
उरु विष्णो वि क्रमस्वेत्य् आहवनीये हुत्वापरया द्वारा हविर्धाने राजानं प्रपादयति सोमो जिगाति गातुविद् इति
पूर्वया वा
uru viṣṇo vi kramasvety āhavanīye hutvāparayā dvārā havirdhāne rājānaṃ prapādayati somo jigāti gātuvid iti
pūrvayā vā
- 8
पूर्वया तु यजमानः प्रपद्यते
pūrvayā tu yajamānaḥ prapadyate
- 9
यदि गतश्रीः स्यात्पूर्वयैव द्वारा राजानं प्रपादयेत्
yadi gataśrīḥ syātpūrvayaiva dvārā rājānaṃ prapādayet
- 10
दक्षिणस्य हविर्धानस्य नीडे कृष्णाजिनं प्राचीनग्रीवम् उत्तरलोमास्तृणात्य् अदित्याः सदो ऽसीति
dakṣiṇasya havirdhānasya nīḍe kṛṣṇājinaṃ prācīnagrīvam uttaralomāstṛṇāty adityāḥ sado 'sīti
- 11
तस्मिन्राजानम् आसादयत्य् अदित्याः सद आसीदेति
tasminrājānam āsādayaty adityāḥ sada āsīdeti

