22 shlokas
- 1
सोमसवेन यक्ष्यमाणो भवति
somasavena yakṣyamāṇo bhavati
- 2
स उपकल्पयते सौमीं सूतवशां कृष्णाजिनं सुवर्णरजतौ च रुक्मौ पर्णमयं पात्रं पयो ऽभिषेचनाय
sa upakalpayate saumīṃ sūtavaśāṃ kṛṣṇājinaṃ suvarṇarajatau ca rukmau parṇamayaṃ pātraṃ payo 'bhiṣecanāya
- 3
अथ वै ब्राह्मणं भवति
atha vai brāhmaṇaṃ bhavati
- 4
यत्किंच राजसूयम् ऋते सोमं तत्सर्वं भवति इति
yatkiṃca rājasūyam ṛte somaṃ tatsarvaṃ bhavati iti
- 5
स आमावास्येन हविषेष्ट्वाष्टाव् अहान्य् आनुमतप्रभृतिभिर् एति संवत्सरं चातुर्मास्यैः सप्तेन्द्रतुरीयप्रभृतिभिः
sa āmāvāsyena haviṣeṣṭvāṣṭāv ahāny ānumataprabhṛtibhir eti saṃvatsaraṃ cāturmāsyaiḥ saptendraturīyaprabhṛtibhiḥ
- 6
अथ रत्निनां हविर्भिर्यजते
atha ratnināṃ havirbhiryajate
- 7
अथ देवसुवां हविर्भिर्यजते
atha devasuvāṃ havirbhiryajate
- 8
अथैतां सौमीं सूतवशाम् आलभते
athaitāṃ saumīṃ sūtavaśām ālabhate
- 9
तस्या असमुदिते यजमानायतने कृष्णाजिनं प्राचीनग्रीवम् उत्तरलोमोपस्तृणाति
tasyā asamudite yajamānāyatane kṛṣṇājinaṃ prācīnagrīvam uttaralomopastṛṇāti
- 10
तद्यजमानं प्राञ्चम् उपवेश्य सुवर्णरजताभ्यां रुक्माभ्यां पर्युपास्य पर्णमये पात्रे पय आनीयाभिषिञ्चति अषाढं युत्सु पृतनासु पप्रिम्सुवर्षाम् अप्स्वां वृजनस्य गोपां भरेषुजां सुक्षितिं सुश्रवसम्जयन्तं त्वाम् अनु मदेम सोम
tadyajamānaṃ prāñcam upaveśya suvarṇarajatābhyāṃ rukmābhyāṃ paryupāsya parṇamaye pātre paya ānīyābhiṣiñcati aṣāḍhaṃ yutsu pṛtanāsu paprimsuvarṣām apsvāṃ vṛjanasya gopāṃ bhareṣujāṃ sukṣitiṃ suśravasamjayantaṃ tvām anu madema soma
- 11
देवस्य त्वा सवितुः प्रसवे ऽश्विनोर्बाहुभ्यां पूष्णो हस्ताभ्यां सरस्वत्यै वाचो यन्तुर्यन्त्रेण सोमसवेनाभिषिञ्चामि इति
devasya tvā savituḥ prasave 'śvinorbāhubhyāṃ pūṣṇo hastābhyāṃ sarasvatyai vāco yanturyantreṇa somasavenābhiṣiñcāmi iti
- 12
समुन्मृष्टे समुत्क्रोशन्तीति समानम् आ मुखस्य विमार्जनात्
samunmṛṣṭe samutkrośantīti samānam ā mukhasya vimārjanāt
- 13
अथ संसृपां हविर्भिर्यजते
atha saṃsṛpāṃ havirbhiryajate
- 14
अथ पञ्चहविषा दिशाम् अवेष्ट्या यजते
atha pañcahaviṣā diśām aveṣṭyā yajate
- 15
अथ द्विपशुना पशुबन्धेन यजते
atha dvipaśunā paśubandhena yajate
- 16
अथ सात्यदूतानां हविर्भिर्यजते
atha sātyadūtānāṃ havirbhiryajate
- 17
अथ पूर्वैः प्रयुजां हविर्भिर्यजते
atha pūrvaiḥ prayujāṃ havirbhiryajate
- 18
अथ पौर्णमासवैमृधाभ्याम् इष्ट्वोत्तरैः प्रयुजां हविर्भिर्यजते
atha paurṇamāsavaimṛdhābhyām iṣṭvottaraiḥ prayujāṃ havirbhiryajate
- 19
अथ देविकाहविर्भिर्यजते
atha devikāhavirbhiryajate
- 20
अथ त्रैधातवीयया यजते
atha traidhātavīyayā yajate
- 21
अथ सौत्रामण्या यजते
atha sautrāmaṇyā yajate
- 22
संतिष्ठते सोमसवो ऽर्धचतुर्दशैर्मासैः
saṃtiṣṭhate somasavo 'rdhacaturdaśairmāsaiḥ

