27 shlokas
- 1
अग्निष्टुता यक्ष्यमाणो भवति
agniṣṭutā yakṣyamāṇo bhavati
- 2
तस्य सर्वम् एव समानं पुरोरुच एवान्याः
tasya sarvam eva samānaṃ puroruca evānyāḥ
- 3
अस्याजरासो ऽग्न आयूंषि पवस इत्य् ऐन्द्रवायवस्य
asyājarāso 'gna āyūṃṣi pavasa ity aindravāyavasya
- 4
यजा नो मित्रावरुणा इति मैत्रावरुणस्य
yajā no mitrāvaruṇā iti maitrāvaruṇasya
- 5
अश्विना पिबतं सुतम् इत्य् आश्विनस्य
aśvinā pibataṃ sutam ity āśvinasya
- 6
द्वे विरूपे चरतः पूर्वापरं चरतो मायथैताव् इति शुक्रामन्थिनोः
dve virūpe carataḥ pūrvāparaṃ carato māyathaitāv iti śukrāmanthinoḥ
- 7
त्रीणि शता त्री षहस्राण्य् अग्निम् इत्य् आग्रयणस्य
trīṇi śatā trī ṣahasrāṇy agnim ity āgrayaṇasya
- 8
नियुनक्त्य् उक्थ्यस्य
niyunakty ukthyasya
- 9
नित्या ध्रुवस्य
nityā dhruvasya
- 10
अग्निनाग्निः समिध्यत इत्य् ऐन्द्राग्नस्य
agnināgniḥ samidhyata ity aindrāgnasya
- 11
अग्निर्देवानां जठरम् इति वैश्वदेवस्य
agnirdevānāṃ jaṭharam iti vaiśvadevasya
- 12
अग्निश्रियो यद् उत्तम ईडे अग्निं स्ववसम् इति तिस्रो मरुत्वतीयानाम्
agniśriyo yad uttama īḍe agniṃ svavasam iti tisro marutvatīyānām
- 13
श्रुधि श्रुत्कर्ण वह्निभिर् इति माहेन्द्रस्य
śrudhi śrutkarṇa vahnibhir iti māhendrasya
- 14
विश्वेषाम् अदितिर्यज्ञियानाम्त्वे अग्ने त्वाम् अग्न इति तिस्र आदित्यस्य ग्रहस्य
viśveṣām aditiryajñiyānāmtve agne tvām agna iti tisra ādityasya grahasya
- 15
नि त्वा यज्ञस्य साधनम् इति सावित्रस्य
ni tvā yajñasya sādhanam iti sāvitrasya
- 16
नित्या पात्नीवतस्य
nityā pātnīvatasya
- 17
नियुनक्ति हारियोजनस्य
niyunakti hāriyojanasya
- 18
स एष त्रिवृद् अग्निष्टुत्पवित्रम्
sa eṣa trivṛd agniṣṭutpavitram
- 19
यथा ह वा इदं दावादभिदूना अभिवृष्टाः पुनर्णवा ओषधयः समुत्तिष्ठन्त्य् एवं ह वा एष एतेन यज्ञक्रतुनेष्ट्वा शुचिः पूतो मेध्यो भवति
yathā ha vā idaṃ dāvādabhidūnā abhivṛṣṭāḥ punarṇavā oṣadhayaḥ samuttiṣṭhanty evaṃ ha vā eṣa etena yajñakratuneṣṭvā śuciḥ pūto medhyo bhavati
- 20
स यदि मुखेन पापकृन्मन्येत त्रिवृतं कुर्वीत
sa yadi mukhena pāpakṛnmanyeta trivṛtaṃ kurvīta
- 21
एष ह वै मुखेन पापं करोति यो ऽनूचानस्य वा मुनेर्वा दुरवगतम् अवगच्छति
eṣa ha vai mukhena pāpaṃ karoti yo 'nūcānasya vā munervā duravagatam avagacchati
- 22
यदि बाहुभ्यां पञ्चदशं कुर्वीत
yadi bāhubhyāṃ pañcadaśaṃ kurvīta
- 23
एष ह वै बाहुभ्यां पापं करोति यो ब्राह्मणायोद्यच्छते
eṣa ha vai bāhubhyāṃ pāpaṃ karoti yo brāhmaṇāyodyacchate
- 24
यद्य् उदरेण सप्तदशं कुर्वीत
yady udareṇa saptadaśaṃ kurvīta
- 25
एष ह वा उदरेण पापं करोति यो ऽनाश्यान्नस्यान्नम् अश्नाति
eṣa ha vā udareṇa pāpaṃ karoti yo 'nāśyānnasyānnam aśnāti
- 26
यदि पद्भ्याम् एकविंशं कुर्वीत
yadi padbhyām ekaviṃśaṃ kurvīta
- 27
एष ह वै पद्भ्यां पापं करोति
eṣa ha vai padbhyāṃ pāpaṃ karoti

