10 shlokas
- 1
मृत्युसवेन यक्ष्यमाणो भवति
mṛtyusavena yakṣyamāṇo bhavati
- 2
स उपकल्पयते शार्दूलचर्म सुवर्णरजतौ च रुक्मौ वैयाघ्र्याव् उपानहौ चार्मपक्ष्याव् उपानहौ वृष्णिवाससं च क्षौमं च तिसृधन्वम् आसन्दीं साधीवासां दुन्दुभिं विमितम् औदुम्बरं द्रोणं चतुःस्रक्ति चतुष्टयीर् अपो दिग्भ्यः संभृताः शतं च रथं च
sa upakalpayate śārdūlacarma suvarṇarajatau ca rukmau vaiyāghryāv upānahau cārmapakṣyāv upānahau vṛṣṇivāsasaṃ ca kṣaumaṃ ca tisṛdhanvam āsandīṃ sādhīvāsāṃ dundubhiṃ vimitam audumbaraṃ droṇaṃ catuḥsrakti catuṣṭayīr apo digbhyaḥ saṃbhṛtāḥ śataṃ ca rathaṃ ca
- 3
एतेनोपकॢप्तेन चित्राम् आयतीम् उपरमति
etenopakḷptena citrām āyatīm uparamati
- 4
अथ चित्रयेति पूर्वाग्निम् अन्ववस्यत्य् उत्तपनीयं शालीनो ऽन्वाहार्यपचनम् आहिताग्निः
atha citrayeti pūrvāgnim anvavasyaty uttapanīyaṃ śālīno 'nvāhāryapacanam āhitāgniḥ
- 5
अथान्वारब्धे यजमाने जुहोति व्याघ्रो ऽयम् अग्नौ चरति प्रविष्ट इति षट्स्रुवाहुतीः
athānvārabdhe yajamāne juhoti vyāghro 'yam agnau carati praviṣṭa iti ṣaṭsruvāhutīḥ
- 6
अथ यजमानायतने शार्दूलचर्म प्राचीनग्रीवम् उत्तरलोमोपस्तृणाति यत्ते शिल्पं कश्यप रोचनावत् इन्द्रियावत्पुष्कलं चित्रभानु
यस्मिन्त्सूर्या अर्पिताः सप्त साकम्तस्मिन्राजानम् अधिविश्रयेमम् इति
atha yajamānāyatane śārdūlacarma prācīnagrīvam uttaralomopastṛṇāti yatte śilpaṃ kaśyapa rocanāvat indriyāvatpuṣkalaṃ citrabhānu
yasmintsūryā arpitāḥ sapta sākamtasminrājānam adhiviśrayemam iti
- 7
अथ वैयाघ्र्याव् उपानहाव् उपमुञ्चते द्यौर् असीति दक्षिणे पादे पृथिव्य् असीत्य् उत्तरे
atha vaiyāghryāv upānahāv upamuñcate dyaur asīti dakṣiṇe pāde pṛthivy asīty uttare
- 8
अथ दक्षिणं जान्व् आच्याभिसर्पति व्याघ्रो वैयाघ्रे ऽधि विश्रयस्व दिशो महीः
विशस्त्वा सर्वा वाञ्छन्तु मा त्वद्राष्ट्रम् अधि भ्रशद् इति
atha dakṣiṇaṃ jānv ācyābhisarpati vyāghro vaiyāghre 'dhi viśrayasva diśo mahīḥ
viśastvā sarvā vāñchantu mā tvadrāṣṭram adhi bhraśad iti
- 9
अथास्मै धनुः प्रयच्छति यथा राजसूये तथा
athāsmai dhanuḥ prayacchati yathā rājasūye tathā
- 10
तद्यजमानं प्राञ्चम् उपवेश्य सुवर्णरजताभ्यां रुक्माभ्यां पर्युपास्यौदुम्बरे द्रोणे चतुष्टयीर् अपः समवनीयाभिषिञ्चति
tadyajamānaṃ prāñcam upaveśya suvarṇarajatābhyāṃ rukmābhyāṃ paryupāsyaudumbare droṇe catuṣṭayīr apaḥ samavanīyābhiṣiñcati

