28 shlokas
- 1
सद्यस्क्रिया यक्ष्यमाणो भवति
sadyaskriyā yakṣyamāṇo bhavati
- 2
स यूप्यं च वृक्षं छेदयति लाङ्गल्यं च
sa yūpyaṃ ca vṛkṣaṃ chedayati lāṅgalyaṃ ca
- 3
ईषां यूप्यस्य कारयति लाङ्गलं लाङ्गल्यस्य
īṣāṃ yūpyasya kārayati lāṅgalaṃ lāṅgalyasya
- 4
तौ संहत्य भुञ्जते वा नि वा दधति
tau saṃhatya bhuñjate vā ni vā dadhati
- 5
अथास्यैतत्पुरस्ताद् एव जुष्टे देवयजने वेदिसंमितं विमितं कारितं भवति
athāsyaitatpurastād eva juṣṭe devayajane vedisaṃmitaṃ vimitaṃ kāritaṃ bhavati
- 6
तद् एतेन लाङ्गलेन परिहार्य कर्षयति
tad etena lāṅgalena parihārya karṣayati
- 7
तस्मिञ्जघन्यवाप्यान्यवान्वापयित्वा परिघातयति
tasmiñjaghanyavāpyānyavānvāpayitvā parighātayati
- 8
अथास्यैते रथा उपकॢप्ता भवन्ति चतुर्युक्प्रष्टिवाही द्वियोग स्थूरिर् इति
athāsyaite rathā upakḷptā bhavanti caturyukpraṣṭivāhī dviyoga sthūrir iti
- 9
तेषु काल एव दधिविनालान् आसञ्जयन्ति
teṣu kāla eva dadhivinālān āsañjayanti
- 10
स ग्रीष्मस्य जघन्याहःसु प्रजहितेषु यवेष्व् ऋत्विजः पदेनाह्वापयतीष्ट्या वा मा याजयिष्यथ भक्तं वा वः कारयिष्यामीति
sa grīṣmasya jaghanyāhaḥsu prajahiteṣu yaveṣv ṛtvijaḥ padenāhvāpayatīṣṭyā vā mā yājayiṣyatha bhaktaṃ vā vaḥ kārayiṣyāmīti
- 11
तेषूपसमेतेषु काल एव प्रातरग्निहोत्रं जुहोति
teṣūpasameteṣu kāla eva prātaragnihotraṃ juhoti
- 12
उपसंगच्छन्त एनम् एत ऋत्विजः
upasaṃgacchanta enam eta ṛtvijaḥ
- 13
अथैनान् आह सद्यस्क्रिया मा याजयतेति
athainān āha sadyaskriyā mā yājayateti
- 14
तम्तथेतीतरे प्रत्याहुः
tamtathetītare pratyāhuḥ
- 15
तस्मै तदानीम् एव सद्यस्क्रीर्यां शालां कुर्वन्ति
tasmai tadānīm eva sadyaskrīryāṃ śālāṃ kurvanti
- 16
तं तदानीम् एव तीर्थाद् आनीय पवयित्वा दीक्षणीयाम् इष्टिं निर्वपति
taṃ tadānīm eva tīrthād ānīya pavayitvā dīkṣaṇīyām iṣṭiṃ nirvapati
- 17
तस्यां संस्थितायां मुष्टी चैव न करोति वाचं च न यच्छति
tasyāṃ saṃsthitāyāṃ muṣṭī caiva na karoti vācaṃ ca na yacchati
- 18
निदधत्य् अस्मा एतद्धविर् उच्छिष्टं व्रतभाजनम्
nidadhaty asmā etaddhavir ucchiṣṭaṃ vratabhājanam
- 19
अथ प्रायणीयाम् इष्टिं निर्वपति
atha prāyaṇīyām iṣṭiṃ nirvapati
- 20
हविष्कृता वाचं विसृजते
haviṣkṛtā vācaṃ visṛjate
- 21
अत्रास्मा एतद्धविर् उच्छिष्टं प्रयच्छन्ति व्रतभाजनम् एतत्
atrāsmā etaddhavir ucchiṣṭaṃ prayacchanti vratabhājanam etat
- 22
प्रसूता एवैते रथा आजिं धावन्ति
prasūtā evaite rathā ājiṃ dhāvanti
- 23
योजनं प्राक्चतुर्युक्त्रैपदं दक्षिणा प्रष्टिवाही
yojanaṃ prākcaturyuktraipadaṃ dakṣiṇā praṣṭivāhī
- 24
गव्यूतिं पश्चाद्द्वियोगः
gavyūtiṃ paścāddviyogaḥ
- 25
क्रोशम् उदक्स्थूरिर् इति
krośam udaksthūrir iti
- 26
ते येन येन संगच्छन्ते तस्मा आवेदयन्ते यजते ऽयम् असाव् आमुष्यायणो ऽमुष्य पुत्रो ऽमुष्य पौत्रो ऽमुष्य नप्ता सद्यस्क्रियेति
te yena yena saṃgacchante tasmā āvedayante yajate 'yam asāv āmuṣyāyaṇo 'muṣya putro 'muṣya pautro 'muṣya naptā sadyaskriyeti
- 27
आयन्ति रथाः
āyanti rathāḥ
- 28
आगतेषु रथेषु यद्विनालेषु नवनीतम् उत्सीदति तद्विलाप्योत्पूयाज्यकुम्भे प्रत्यस्यति सद्यस्ताया इति
āgateṣu ratheṣu yadvināleṣu navanītam utsīdati tadvilāpyotpūyājyakumbhe pratyasyati sadyastāyā iti

