15 shlokas
- 1
अथातः सर्पणस्यैव मीमांसा
athātaḥ sarpaṇasyaiva mīmāṃsā
- 2
दक्षिणस्य हविर्धानस्याधोऽधो ऽक्षं सर्पेयुः
dakṣiṇasya havirdhānasyādho'dho 'kṣaṃ sarpeyuḥ
- 3
एतेन ह वै सर्पाः ससृपुः
etena ha vai sarpāḥ sasṛpuḥ
- 4
ततो वै ते जीर्णास्तनूर् अपाघ्नतेति
tato vai te jīrṇāstanūr apāghnateti
- 5
तद् उ वा आहुर्यो वा अपथेन प्रतिपद्यते स्थाणुं वा हन्ति गर्तं वा पतति भ्रेषं स न्येति
tad u vā āhuryo vā apathena pratipadyate sthāṇuṃ vā hanti gartaṃ vā patati bhreṣaṃ sa nyeti
- 6
वषट्कारपथेनैव सर्पेयुः
vaṣaṭkārapathenaiva sarpeyuḥ
- 7
एष वाव स्वर्ग्यः पन्था यद्वषट्कारपथ इति
eṣa vāva svargyaḥ panthā yadvaṣaṭkārapatha iti
- 8
तद् उ वा आहुः पराङ् इव वा एषो ऽशान्तः पन्था यद्वषट्कारपथः
tad u vā āhuḥ parāṅ iva vā eṣo 'śāntaḥ panthā yadvaṣaṭkārapathaḥ
- 9
अध्वर्युपथेनैव सर्पेयुर् एष वा अर्वाचः पराचः स्वर्ग्यः पन्था यद् अध्वर्युपथ इति
adhvaryupathenaiva sarpeyur eṣa vā arvācaḥ parācaḥ svargyaḥ panthā yad adhvaryupatha iti
- 10
ते ऽध्वर्युपथेनैव सर्पन्ति
te 'dhvaryupathenaiva sarpanti
- 11
तेषु समन्वारब्धेष्व् आहवनीये स्रुवाहुतिं जुहोति
उपसृजन्मात्रे वत्सम्धारयन्धरुणो धयन्
रायस्पोषम् इषम् ऊर्जम् अस्मासु दीधरत्स्वाहेति
teṣu samanvārabdheṣv āhavanīye sruvāhutiṃ juhoti
upasṛjanmātre vatsamdhārayandharuṇo dhayan
rāyaspoṣam iṣam ūrjam asmāsu dīdharatsvāheti
- 12
समुत्क्रम्य चात्वालदेशे जपन्ति वाग् ऐतु वाग् उपैतु वाङ्मोपैतु वाच्यद् अकर्म यन्नाकर्म यद् अत्यगाम यन्नात्यगाम यद् अत्यरीरिचाम यन्नात्यरीरिचाम प्रजापतौ प्रजापतिं तत्पितरम् अप्येत्व् इति
samutkramya cātvāladeśe japanti vāg aitu vāg upaitu vāṅmopaitu vācyad akarma yannākarma yad atyagāma yannātyagāma yad atyarīricāma yannātyarīricāma prajāpatau prajāpatiṃ tatpitaram apyetv iti
- 13
तद्वाच्य् अन्ततः प्रतितिष्ठन्ति
tadvācy antataḥ pratitiṣṭhanti
- 14
तेषां य एव प्रायणीयो ऽतिरात्रः स उदयनीयः
teṣāṃ ya eva prāyaṇīyo 'tirātraḥ sa udayanīyaḥ
- 15
सत्त्राद् उदवसाय ज्योतिष्टोमेनाग्निष्टोमेन चतुष्टोमेन पृष्ठशमनीयेन सहस्रदक्षिणेनैकैको यजेत
sattrād udavasāya jyotiṣṭomenāgniṣṭomena catuṣṭomena pṛṣṭhaśamanīyena sahasradakṣiṇenaikaiko yajeta

