13 shlokas
- 1
श्वो महाव्रतम् इत्य् उपकल्पयते ऽपरिमितान्रथान् अपरिमितान्दुन्दुभींस्तावत उव् एवाजिसृतश्चर्म चेडसंवर्तं च भूमिदुन्दुभिम् आर्षभं चर्म सलाङ्गूलं ब्राह्मणं च शूद्रं चार्द्रं च चर्मकर्तम्
śvo mahāvratam ity upakalpayate 'parimitānrathān aparimitāndundubhīṃstāvata uv evājisṛtaścarma ceḍasaṃvartaṃ ca bhūmidundubhim ārṣabhaṃ carma salāṅgūlaṃ brāhmaṇaṃ ca śūdraṃ cārdraṃ ca carmakartam
- 2
प्लेङ्खं होता कूर्चाव् अध्वर्युर्बृसीर्होत्रका औदुम्बरीम् उद्गातासन्दीम् उपकल्पयते
pleṅkhaṃ hotā kūrcāv adhvaryurbṛsīrhotrakā audumbarīm udgātāsandīm upakalpayate
- 3
वाणं च शततन्तुम् आघाटीः पिञ्छोलाः कर्करीका इति तद् उ पत्नयः
vāṇaṃ ca śatatantum āghāṭīḥ piñcholāḥ karkarīkā iti tad u patnayaḥ
- 4
कटपरिवारं च मिथुनौ चापरिमिताश्च दास्यस्तावत उव् एवोदकुम्भान्
kaṭaparivāraṃ ca mithunau cāparimitāśca dāsyastāvata uv evodakumbhān
- 5
अथैतं महाव्रतीये ऽह्नि पञ्चविंशम् अग्निष्टोमम् उपयन्ति रथंतरसामानम्
athaitaṃ mahāvratīye 'hni pañcaviṃśam agniṣṭomam upayanti rathaṃtarasāmānam
- 6
समानं कर्मा माहेन्द्राद्ग्रहात्
samānaṃ karmā māhendrādgrahāt
- 7
माहेन्द्रं ग्रहं गृहीत्वाथैतान्संभारान् आयातयति
māhendraṃ grahaṃ gṛhītvāthaitānsaṃbhārān āyātayati
- 8
जघनेनाग्नीध्रं गर्तं खानयित्वार्षभेण क्रूरचर्मणोत्तरलोम्नाभिविघ्नन्ति
jaghanenāgnīdhraṃ gartaṃ khānayitvārṣabheṇa krūracarmaṇottaralomnābhivighnanti
- 9
तस्य लाङ्गूलम् उत्खिद्य हन्तानूपतिष्ठते
tasya lāṅgūlam utkhidya hantānūpatiṣṭhate
- 10
अत्रैतान्दुन्दुभीन् अनुदिशम् आसञ्जयति
atraitāndundubhīn anudiśam āsañjayati
- 11
तान् आहननैर् अनाघ्नन्त एते हन्तारो ऽनूपतिष्ठन्ते
tān āhananair anāghnanta ete hantāro 'nūpatiṣṭhante
- 12
अथैते रथाः समन्तं देवयजनं परीत्योत्तरतस्तिष्ठन्ति
athaite rathāḥ samantaṃ devayajanaṃ parītyottaratastiṣṭhanti
- 13
तेषां तिसृधन्वी राजपुत्रो मुख्यो भवति
teṣāṃ tisṛdhanvī rājaputro mukhyo bhavati

