11 shlokas
- 1
तद् उ वा आहुर्यद्द्वादश दीक्षा द्वादशोपसदो द्वादशाहं प्रसुताः कथम् अस्यैतान्य् अहानीष्टान्य् आप्रीतानि पशुमन्ति भवन्तीति
tad u vā āhuryaddvādaśa dīkṣā dvādaśopasado dvādaśāhaṃ prasutāḥ katham asyaitāny ahānīṣṭāny āprītāni paśumanti bhavantīti
- 2
तिस्र एकादशिन्यो ऽग्नीषोमीयो वैश्वदेवो ऽनूबन्ध्या
tisra ekādaśinyo 'gnīṣomīyo vaiśvadevo 'nūbandhyā
- 3
षट्त्रिंशतम् एते पशवः षट्त्रिंशतम् एतान्य् अहानि
ṣaṭtriṃśatam ete paśavaḥ ṣaṭtriṃśatam etāny ahāni
- 4
एवम् अस्यैतान्य् अहानीष्टान्य् आप्रीतानि पशुमन्ति भवन्तीति
evam asyaitāny ahānīṣṭāny āprītāni paśumanti bhavantīti
- 5
तद् उ वा आहुर्यद्द्वादश दीक्षा द्वादशोपसदो द्वादशाहं प्रसुताः कथं द्वादशाहेन संवत्सर आप्यत इति
tad u vā āhuryaddvādaśa dīkṣā dvādaśopasado dvādaśāhaṃ prasutāḥ kathaṃ dvādaśāhena saṃvatsara āpyata iti
- 6
द्वादश पौर्णमास्यो द्वादशाष्टका द्वादशामावास्याः
dvādaśa paurṇamāsyo dvādaśāṣṭakā dvādaśāmāvāsyāḥ
- 7
एतानि ह वै संवत्सरस्य वर्षिष्ठान्य् अहानि
etāni ha vai saṃvatsarasya varṣiṣṭhāny ahāni
- 8
एतान्य् अनु संवत्सर आप्यते
etāny anu saṃvatsara āpyate
- 9
समाप्तो द्वादशाहः
samāpto dvādaśāhaḥ
- 10
समाप्तः संवत्सरकामः
samāptaḥ saṃvatsarakāmaḥ
- 11
एवं द्वादशाहेन संवत्सर आप्यते
evaṃ dvādaśāhena saṃvatsara āpyate

