11 shlokas
- 1
अथैतां सहस्रतमीम् उत्तरेणाग्नीध्रं पर्याणीयाहवनीयस्यान्ते द्रोणकलशम् अवघ्रापयेद् आजिघ्र कलशं महि उरुधारा पयस्वति आ त्वा विशन्त्व् इन्दवः समुद्रम् इव सिन्धवः
सा मा सहस्र आभज प्रजया पशुभिः सह पुनर्माविशताद्रयिर् इति
athaitāṃ sahasratamīm uttareṇāgnīdhraṃ paryāṇīyāhavanīyasyānte droṇakalaśam avaghrāpayed ājighra kalaśaṃ mahi urudhārā payasvati ā tvā viśantv indavaḥ samudram iva sindhavaḥ
sā mā sahasra ābhaja prajayā paśubhiḥ saha punarmāviśatādrayir iti
- 2
प्रजयैवैनं पशुभी रय्या समर्धयति प्रजावान्पशुमान्रयिमान्भवति य एवं वेद इति ब्राह्मणम्
prajayaivainaṃ paśubhī rayyā samardhayati prajāvānpaśumānrayimānbhavati ya evaṃ veda iti brāhmaṇam
- 3
अथ वै भवति
atha vai bhavati
- 4
तया सहाग्नीध्रं परेत्य पुरस्तात्प्रतीच्यां तिष्ठन्त्यां जुहुयाद् इति
tayā sahāgnīdhraṃ paretya purastātpratīcyāṃ tiṣṭhantyāṃ juhuyād iti
- 5
स तया सहाग्नीध्रं परेत्य पुरस्तात्प्रतीच्यां तिष्ठन्त्यां जुहोत्य् उभा जिग्यथुर्न पराजयेथे न पराजिग्ये कतरश्चनैनोः
इन्द्रश्च विष्णो यद् अपस्पृधेथाम्त्रेधा सहस्रं वि तद् ऐरयेथाम् इति
sa tayā sahāgnīdhraṃ paretya purastātpratīcyāṃ tiṣṭhantyāṃ juhoty ubhā jigyathurna parājayethe na parājigye kataraścanainoḥ
indraśca viṣṇo yad apaspṛdhethāmtredhā sahasraṃ vi tad airayethām iti
- 6
त्रेधाविभक्तं वै त्रिरात्रे सहस्रम्
tredhāvibhaktaṃ vai trirātre sahasram
- 7
साहस्रीम् एवैनां करोति
sāhasrīm evaināṃ karoti
- 8
सहस्रस्यैवैनां मात्रां करोतीति ब्राह्मणम्
sahasrasyaivaināṃ mātrāṃ karotīti brāhmaṇam
- 9
अथास्यै रूपाणि जुहोत्य् अञ्ज्येतायै स्वाहा कृष्णायै स्वाहा श्वेतायै स्वाहेति
athāsyai rūpāṇi juhoty añjyetāyai svāhā kṛṣṇāyai svāhā śvetāyai svāheti
- 10
अथास्या उपोत्थाय नामभिर्दक्षिणं कर्णम् आजपतीडे रन्ते ऽदिते सरस्वति प्रिये प्रेयसि महि विश्रुति एतानि ते अघ्निये नामानि सुकृतं मा देवेषु ब्रूताद् इति
athāsyā upotthāya nāmabhirdakṣiṇaṃ karṇam ājapatīḍe rante 'dite sarasvati priye preyasi mahi viśruti etāni te aghniye nāmāni sukṛtaṃ mā deveṣu brūtād iti
- 11
देवेभ्य एवैनम् आवेदयत्य् अन्व् एनं देवा बुध्यन्ते इति ब्राह्मणम्
devebhya evainam āvedayaty anv enaṃ devā budhyante iti brāhmaṇam

