17 shlokas
- 1
अथातः पशुकॢप्तेर् एव मीमांसा
athātaḥ paśukḷpter eva mīmāṃsā
- 2
ऐन्द्राग्नाः पशवः स्युर् इत्य् एक आहुः
aindrāgnāḥ paśavaḥ syur ity eka āhuḥ
- 3
अग्नेर् अयं लोको वायोर् अन्तरिक्षम् असाव् इन्द्रस्य
agner ayaṃ loko vāyor antarikṣam asāv indrasya
- 4
यद् ऐन्द्राग्नः पशुर्भवति वायव्यो वसाहोम इमान् एव तल्लोकान्प्रीणन्त एषु लोकेषु प्रतितिष्ठन्तो यन्ति
yad aindrāgnaḥ paśurbhavati vāyavyo vasāhoma imān eva tallokānprīṇanta eṣu lokeṣu pratitiṣṭhanto yanti
- 5
अथ ये ऽनैन्द्राग्नान्प्रतिपद्यन्ते यथा श्रेयसे ऽनाहृत्य पापीयस आहरन्ति तादृक्तत्
atha ye 'naindrāgnānpratipadyante yathā śreyase 'nāhṛtya pāpīyasa āharanti tādṛktat
- 6
तस्माद् ऐन्द्राग्नाः पशवः स्युर् इत्य् एतद् एकम्
tasmād aindrāgnāḥ paśavaḥ syur ity etad ekam
- 7
अतिरात्रपशवो ऽभितो मध्य ऐन्द्राग्नाः
atirātrapaśavo 'bhito madhya aindrāgnāḥ
- 8
एकादशिना अभितो मध्य ऐन्द्राग्नाः
ekādaśinā abhito madhya aindrāgnāḥ
- 9
सर्वाग्नेया एव स्युर् इत्य् एतद् एकम्
sarvāgneyā eva syur ity etad ekam
- 10
सर्वैन्द्रा एव स्युर् इत्य् एतद् एकम्
sarvaindrā eva syur ity etad ekam
- 11
सर्वप्राजापत्या एव स्युर् इत्य् एतद् एकम्
sarvaprājāpatyā eva syur ity etad ekam
- 12
सर्वैकादशिना एव स्युर् इत्य् एतद् अपरम्
sarvaikādaśinā eva syur ity etad aparam
- 13
तेषां सर्वैकादशिनैर्यतां प्रसिद्धम् एव प्रथमे ऽहनि प्रथमाम् एकादशिनीम् आलभन्ते
teṣāṃ sarvaikādaśinairyatāṃ prasiddham eva prathame 'hani prathamām ekādaśinīm ālabhante
- 14
आग्नेयस्य वारुणम् उपालम्भ्यं कुर्वन्ति
āgneyasya vāruṇam upālambhyaṃ kurvanti
- 15
तथास्यैतानि दश मध्यमान्य् अहान्य् अनतिरिच्यमानाः पशवो ऽनुभवन्ति
tathāsyaitāni daśa madhyamāny ahāny anatiricyamānāḥ paśavo 'nubhavanti
- 16
प्रसिद्धम् एवोत्तमे ऽहन्य् उत्तमाम् एकादशिनीम् आलभन्ते
prasiddham evottame 'hany uttamām ekādaśinīm ālabhante
- 17
आग्नेयस्य वा वारुणस्य वा वैश्वदेवम् उपालम्भ्यं कुर्वन्ति
āgneyasya vā vāruṇasya vā vaiśvadevam upālambhyaṃ kurvanti

