9 shlokas
- 1
गाव एव सुरभयो गावो गुग्गुलुगन्धयः
गावो घृतस्य मातरस्ता इह सन्तु भूयसीर्हैमहाꣳ इदं मध्व् इति
gāva eva surabhayo gāvo guggulugandhayaḥ
gāvo ghṛtasya mātarastā iha santu bhūyasīrhaimahām̐ idaṃ madhv iti
- 2
उपस्थान् उपहत्य दक्षिणान् एव पदो निघ्नन्ति
upasthān upahatya dakṣiṇān eva pado nighnanti
- 3
द्वितीयं परीतानां प्रथमाम् एव वाचयति
ननु गावो मङ्कीरस्य गङ्गाया उदकं पपुः
पपुः सरस्वत्यै नद्यै ताः प्राचीर् उज्जगाहिरे है महाꣳ इदं मध्व् इति
dvitīyaṃ parītānāṃ prathamām eva vācayati
nanu gāvo maṅkīrasya gaṅgāyā udakaṃ papuḥ
papuḥ sarasvatyai nadyai tāḥ prācīr ujjagāhire hai mahām̐ idaṃ madhv iti
- 4
उपस्थान् उपहत्य दक्षिणान् एव पदो निघ्नन्ति
upasthān upahatya dakṣiṇān eva pado nighnanti
- 5
तृतीयं परीतानां प्रथमाम् एव वाचयति
यदा राखन्द्यौ वदतो ग्राम्यं मङ्कीरदाशकौ
क्षेमाध्यवस्यतो ग्रामे नानड्वांस्तप्यते वहन्हैमहाꣳ इदं मध्व् इति
tṛtīyaṃ parītānāṃ prathamām eva vācayati
yadā rākhandyau vadato grāmyaṃ maṅkīradāśakau
kṣemādhyavasyato grāme nānaḍvāṃstapyate vahanhaimahām̐ idaṃ madhv iti
- 6
अथैना उत्तरेण मार्जालीयं तिष्ठन्त्यो वाचयति
इदम् एव मधु सारघम् अयं सोमः सुतो बृहत्
तम् इन्द्र परितातृपीर्हैमहाꣳ इदं मध्व् इति
athainā uttareṇa mārjālīyaṃ tiṣṭhantyo vācayati
idam eva madhu sāragham ayaṃ somaḥ suto bṛhat
tam indra paritātṛpīrhaimahām̐ idaṃ madhv iti
- 7
ता अत ऊर्ध्वम् इदं मध्व् इदं मध्व् इदं मध्व् इत्य् एव परियन्ति
tā ata ūrdhvam idaṃ madhv idaṃ madhv idaṃ madhv ity eva pariyanti
- 8
तेषां य एव प्रायणीयो ऽतिरात्रः स उदयनीयः
teṣāṃ ya eva prāyaṇīyo 'tirātraḥ sa udayanīyaḥ
- 9
सत्त्राद् उदवसाय ज्योतिष्टोमेनाग्निष्टोमेन चतुष्टोमेन पृष्ठशमनीयेन सहस्रदक्षिणेनैकैको यजेत
sattrād udavasāya jyotiṣṭomenāgniṣṭomena catuṣṭomena pṛṣṭhaśamanīyena sahasradakṣiṇenaikaiko yajeta

