15 shlokas
- 1
प्रजातिकामो वा व्यावृत्कामो वा पशुकामो वा वाचो वान्तं परिजिगांसन्पञ्चरात्राय दीक्षते
prajātikāmo vā vyāvṛtkāmo vā paśukāmo vā vāco vāntaṃ parijigāṃsanpañcarātrāya dīkṣate
- 2
तस्यापरिमिता दीक्षा द्वादशोपसदः
tasyāparimitā dīkṣā dvādaśopasadaḥ
- 3
तस्याहानि त्रिवृद् अग्निष्टोमः पञ्चदश उक्थ्यः सप्तदश उक्थ्यः पञ्चविंशो ऽग्निष्टोमो महाव्रतवान्विश्वजित्सर्वपृष्ठो ऽतिरात्रः
tasyāhāni trivṛd agniṣṭomaḥ pañcadaśa ukthyaḥ saptadaśa ukthyaḥ pañcaviṃśo 'gniṣṭomo mahāvratavānviśvajitsarvapṛṣṭho 'tirātraḥ
- 4
सारस्वतेनायनेनैष्यन्तो द्वयीर्गा उपकल्पयन्त ऋषभैकादशा अन्या ऋषभैकशता अन्याः
sārasvatenāyanenaiṣyanto dvayīrgā upakalpayanta ṛṣabhaikādaśā anyā ṛṣabhaikaśatā anyāḥ
- 5
तेषाम् आश्वत्थी हविर्धानं चाग्नीध्रं च भवतः
teṣām āśvatthī havirdhānaṃ cāgnīdhraṃ ca bhavataḥ
- 6
तद्धि सुवर्ग्यम्
taddhi suvargyam
- 7
चक्रीवती भवतः
cakrīvatī bhavataḥ
- 8
उलूखलबुध्न एषां यूपो भवति
ulūkhalabudhna eṣāṃ yūpo bhavati
- 9
ते सरस्वत्यै जघन्योदके दीक्षन्ते
te sarasvatyai jaghanyodake dīkṣante
- 10
तेषाम् अयम् एव त्रिवृद् अग्निष्टोमः संतिष्ठते
teṣām ayam eva trivṛd agniṣṭomaḥ saṃtiṣṭhate
- 11
तस्मिन्संस्थिते ऽभि यूपं वहन्त्य् अभि धिष्णियान्हरन्त्य् अग्निष्ठे ऽनसि समवशमयन्ते यद् एषां समवशमयितव्यं भवति
tasminsaṃsthite 'bhi yūpaṃ vahanty abhi dhiṣṇiyānharanty agniṣṭhe 'nasi samavaśamayante yad eṣāṃ samavaśamayitavyaṃ bhavati
- 12
ते ऽनेनैव पृष्ठ्येन षडहेन प्रतिपद्यन्ते
te 'nenaiva pṛṣṭhyena ṣaḍahena pratipadyante
- 13
अहरहः शम्यान्यासे शम्यान्यासे यजमाना आक्रोशन्तो ऽज्यानिम् इच्छमाना यदा दश शतं कुर्वन्त्य् अथैकम् उत्थानम्
aharahaḥ śamyānyāse śamyānyāse yajamānā ākrośanto 'jyānim icchamānā yadā daśa śataṃ kurvanty athaikam utthānam
- 14
यदा शतं सहस्रं कुर्वन्त्य् अथैकम् उत्थानम्
yadā śataṃ sahasraṃ kurvanty athaikam utthānam
- 15
यदैषां प्रमीयेत यदा वा जीयेरन्न् अथैकम् उत्थानं प्लाक्षे वा प्रस्रवणे
yadaiṣāṃ pramīyeta yadā vā jīyerann athaikam utthānaṃ plākṣe vā prasravaṇe

