9 shlokas
- 1
अथातो ऽंश्वदाभ्ययोर् एव ग्रहणम्
athāto 'ṃśvadābhyayor eva grahaṇam
- 2
प्रायणीये ऽदाभ्यं गृह्णीयाद् अंशुं वैषुवते ऽदाभ्यं महाव्रत उभौ प्रायणीय उभौ वैषुवत उभौ महाव्रते
prāyaṇīye 'dābhyaṃ gṛhṇīyād aṃśuṃ vaiṣuvate 'dābhyaṃ mahāvrata ubhau prāyaṇīya ubhau vaiṣuvata ubhau mahāvrate
- 3
यत्र क्व चैवैनौ गृह्णीयाद् इत्य् एतद् अपरम्
yatra kva caivainau gṛhṇīyād ity etad aparam
- 4
अथातः परःसाम्नाम् एव ग्रहणम्
athātaḥ paraḥsāmnām eva grahaṇam
- 5
ते वा एते परःसामानः पुरस्ताद्वैषुवतात्त्र्यहम् अन्वहम् इतः पराञ्चो गृह्यन्ते उपयामगृहीतो ऽसि अद्भ्यस्त्वौषधीभ्यो जुष्टं गृह्णामि उपयामगृहीतो ऽसि ओषधीभ्यस्त्वा प्रजाभ्यो जुष्टं गृह्णामि उपयामगृहीतो ऽसि प्रजाभ्यस्त्वा प्रजापतये जुष्टं गृह्णामीति
te vā ete paraḥsāmānaḥ purastādvaiṣuvatāttryaham anvaham itaḥ parāñco gṛhyante upayāmagṛhīto 'si adbhyastvauṣadhībhyo juṣṭaṃ gṛhṇāmi upayāmagṛhīto 'si oṣadhībhyastvā prajābhyo juṣṭaṃ gṛhṇāmi upayāmagṛhīto 'si prajābhyastvā prajāpataye juṣṭaṃ gṛhṇāmīti
- 6
अथ वैषुवते ऽह्नि शुक्राग्रा ग्रहा गृह्यन्ते
atha vaiṣuvate 'hni śukrāgrā grahā gṛhyante
- 7
समानं कर्माग्रयणाद्ग्रहात्
samānaṃ karmāgrayaṇādgrahāt
- 8
आग्रयणं गृहीत्वा त्रीन्परःसाम्नो गृह्णाति उपयामगृहीतो ऽसि अद्भ्यस्त्वौषधीभ्यो जुष्टं गृह्णामि उपयामगृहीतो ऽसि ओषधीभ्यस्त्वा प्रजाभ्यो जुष्टं गृह्णामि उपयामगृहीतो ऽसि प्रजाभ्यस्त्वा प्रजापतये जुष्टं गृह्णामीति
āgrayaṇaṃ gṛhītvā trīnparaḥsāmno gṛhṇāti upayāmagṛhīto 'si adbhyastvauṣadhībhyo juṣṭaṃ gṛhṇāmi upayāmagṛhīto 'si oṣadhībhyastvā prajābhyo juṣṭaṃ gṛhṇāmi upayāmagṛhīto 'si prajābhyastvā prajāpataye juṣṭaṃ gṛhṇāmīti
- 9
अथ सौर्यर्चा सौर्यम् अतिग्राह्यं गृह्णाति
atha sauryarcā sauryam atigrāhyaṃ gṛhṇāti

