7 shlokas
- 1
लेखाधिकारो भवति विज्ञायते च
lekhādhikāro bhavati vijñāyate ca
- 2
या दक्षिणावृतस्ता दक्षिणत उपदध्यात्
सव्यावृत उत्तरतः
ऋजुलेखाः पश्चात्पुरस्ताच्च
त्र्यालिखिता मध्ये
yā dakṣiṇāvṛtastā dakṣiṇata upadadhyāt
savyāvṛta uttarataḥ
ṛjulekhāḥ paścātpurastācca
tryālikhitā madhye
- 3
चितौ हिरण्यं निधाय चित्तिम् अचित्तिम् इति चितिकॢप्त्याभिमृशति
citau hiraṇyaṃ nidhāya cittim acittim iti citikḷptyābhimṛśati
- 4
यत्ते ऽचितं यद् उ चितं ते अग्ने यद् ऊनं यद्वात्रातिरिक्तम्
विश्वे देवा अङ्गिरसश्चिनवन्न् आदित्यास्ते चितिम् आपूरयन्तु
यास्ते अग्ने समिधः
चित्तिम् अचित्तिम्
वयम् अग्ने धनवन्तः स्यामालं यज्ञायोत दक्षिणायै
ग्रावा वदेद् अभि सोमस्यांशुनेन्द्रं शिक्षेमेन्दुना सुतेन
रायस्पोषं नो धेहि जातवेद ऊर्जो भागं मधुमत्सूनृतावत्
दधाम यज्ञं सुनवाम सोमं यज्ञेन त्वाम् उपशिक्षेम शक्र
ईशानं त्वा शुश्रुमो वयं धनानां धनपते गोमद् अग्ने
अश्वावद्भूरि पुष्टं हिरण्यवद् अन्नम् अध्येहि मह्यम्
दुहां ते द्यौः पृथिवी पयो ऽजगरस्त्वा सोदको विसर्पतु
प्रजापतिनात्मानम् आप्रीणे रिक्तो म आत्मा
यो रुद्रो अग्नौ यो अप्सु य ओषधीषु यो रुद्रो विश्वा भुवनाविवेश
तस्मै रुद्राय नमो अस्तु देवा इत्य् एताभिः स्वयंचित्याभिमृशति
yatte 'citaṃ yad u citaṃ te agne yad ūnaṃ yadvātrātiriktam
viśve devā aṅgirasaścinavann ādityāste citim āpūrayantu
yāste agne samidhaḥ
cittim acittim
vayam agne dhanavantaḥ syāmālaṃ yajñāyota dakṣiṇāyai
grāvā vaded abhi somasyāṃśunendraṃ śikṣemendunā sutena
rāyaspoṣaṃ no dhehi jātaveda ūrjo bhāgaṃ madhumatsūnṛtāvat
dadhāma yajñaṃ sunavāma somaṃ yajñena tvām upaśikṣema śakra
īśānaṃ tvā śuśrumo vayaṃ dhanānāṃ dhanapate gomad agne
aśvāvadbhūri puṣṭaṃ hiraṇyavad annam adhyehi mahyam
duhāṃ te dyauḥ pṛthivī payo 'jagarastvā sodako visarpatu
prajāpatinātmānam āprīṇe rikto ma ātmā
yo rudro agnau yo apsu ya oṣadhīṣu yo rudro viśvā bhuvanāviveśa
tasmai rudrāya namo astu devā ity etābhiḥ svayaṃcityābhimṛśati
- 5
उत्तरतः कृष्णो ऽश्वस्तिष्ठति
श्यावो वा
uttarataḥ kṛṣṇo 'śvastiṣṭhati
śyāvo vā
- 6
तम् आलभ्य चात्वालात्पुरीषम् आहृत्य पृष्टो दिवीति वैश्वानर्यर्चा चिताव् अनुव्यूहति
tam ālabhya cātvālātpurīṣam āhṛtya pṛṣṭo divīti vaiśvānaryarcā citāv anuvyūhati
- 7
सा चितिर्भवति
sā citirbhavati

