2 shlokas
- 1
ये यज्ञं समगृभ्णन्देवा देवेभ्यस्परि
तान्गायत्री नयतु प्रजानती स्वर्गे लोके अमृतं दुहाना
ये ज्योतींषि संदधति स्वर् आरोहन्तो अमृतस्य लोकम्
ते यन्तु प्रजानन्तो यज्ञं विदानाः सुकृतस्य लोके
ये पशवो मेध्यासो यज्ञस्य योनिम् अभिसंबभूवुः
तान्ददन्ते कवयो विपश्चितो यज्ञं विदानाः सुकृतस्य लोके
यः पन्था विततो देवयानश्छन्दोभिर्विगृहीत एति
तेनातिष्ठद्दिवम् अन्तरिक्षं यज्ञं गृहीत्वा सुकृतस्य लोकम्
यो यज्ञः सहस्रधारो द्यावापृथिव्योर् अधि निर्मितः
तेनैतु यजमानः स्वस्त्या दिवो ऽधि पृष्ठम् अस्थाद् इति पञ्च हिरण्येष्टकाः प्रतिदिशम्
एकां मध्ये
ye yajñaṃ samagṛbhṇandevā devebhyaspari
tāngāyatrī nayatu prajānatī svarge loke amṛtaṃ duhānā
ye jyotīṃṣi saṃdadhati svar ārohanto amṛtasya lokam
te yantu prajānanto yajñaṃ vidānāḥ sukṛtasya loke
ye paśavo medhyāso yajñasya yonim abhisaṃbabhūvuḥ
tāndadante kavayo vipaścito yajñaṃ vidānāḥ sukṛtasya loke
yaḥ panthā vitato devayānaśchandobhirvigṛhīta eti
tenātiṣṭhaddivam antarikṣaṃ yajñaṃ gṛhītvā sukṛtasya lokam
yo yajñaḥ sahasradhāro dyāvāpṛthivyor adhi nirmitaḥ
tenaitu yajamānaḥ svastyā divo 'dhi pṛṣṭham asthād iti pañca hiraṇyeṣṭakāḥ pratidiśam
ekāṃ madhye
- 2
आयवे स्वाहायोष्कृते स्वाहायोष्पत्वने स्वाहा विष्णवे स्वाहा बृहस्पतये स्वाहेति पञ्चोपधायाद्भ्यः सम्भूतः पृथिव्यै रसाच्च विश्वकर्मणः समवर्तताधि
तस्य त्वष्टा विदधद्रूपम् एति तत्पुरुषस्य विश्वम् आजानम् अग्र इत्य् एताम् उपधायर्तसद् असि सत्यसद् असि तेजःसद् असि वर्चःसद् असि यशःसद् असि गृणानासि
धामासि धाम्यै त्वा धामभ्यस्त्वा धामसु सीद
सनिर् असि सन्यै त्वा सनेयम्
वित्तिर् असि वित्त्यै त्वा विदेयम्
शक्तिर् असि शक्त्यै त्वा शकेयम्
भूतिर् असि भूत्यै त्वा भूयासम्
कर्मासि कर्मणे त्वा क्रियासम्
āyave svāhāyoṣkṛte svāhāyoṣpatvane svāhā viṣṇave svāhā bṛhaspataye svāheti pañcopadhāyādbhyaḥ sambhūtaḥ pṛthivyai rasācca viśvakarmaṇaḥ samavartatādhi
tasya tvaṣṭā vidadhadrūpam eti tatpuruṣasya viśvam ājānam agra ity etām upadhāyartasad asi satyasad asi tejaḥsad asi varcaḥsad asi yaśaḥsad asi gṛṇānāsi
dhāmāsi dhāmyai tvā dhāmabhyastvā dhāmasu sīda
sanir asi sanyai tvā saneyam
vittir asi vittyai tvā videyam
śaktir asi śaktyai tvā śakeyam
bhūtir asi bhūtyai tvā bhūyāsam
karmāsi karmaṇe tvā kriyāsam

