23 shlokas
- 1
द्रप्सश्चस्कन्देत्य् आस्ये
अभूद् इदं विश्वस्य भुवनस्येति वा
drapsaścaskandety āsye
abhūd idaṃ viśvasya bhuvanasyeti vā
- 2
ऋचे त्वेति दक्षिणे ऽक्षिकटे
रुचे त्वेति सव्ये
ṛce tveti dakṣiṇe 'kṣikaṭe
ruce tveti savye
- 3
द्युते त्वेति कर्णयोः
dyute tveti karṇayoḥ
- 4
भासे त्वेति दक्षिणस्यां नासिकायाम्
ज्योतिषे त्वेत्य् उत्तरस्याम्
bhāse tveti dakṣiṇasyāṃ nāsikāyām
jyotiṣe tvety uttarasyām
- 5
सम् इत्स्रवन्तीति शृतातङ्क्येन दध्ना मधुमिश्रेण पुरुषशिरः पूरयति
sam itsravantīti śṛtātaṅkyena dadhnā madhumiśreṇa puruṣaśiraḥ pūrayati
- 6
सर्वेषां पशुशिरसां हिरण्यशल्कप्रत्यसनं पूरणं च वाजसनेयिनः समामनन्ति
sarveṣāṃ paśuśirasāṃ hiraṇyaśalkapratyasanaṃ pūraṇaṃ ca vājasaneyinaḥ samāmananti
- 7
तस्मिन्त्सुपर्णो मधुकृत्कुलायीति पुरुषशिर आदायादित्यं गर्भम् इत्य् उखायां पुरस्ताच्चुबुकं प्राचीनम् उत्तानं प्राङ्मुख उपधाय चित्रं देवानाम् इत्य् अर्धर्चाभ्याम् अक्षिकटयोर्हुत्वा पशुशीर्षाण्य् उपदधाति
tasmintsuparṇo madhukṛtkulāyīti puruṣaśira ādāyādityaṃ garbham ity ukhāyāṃ purastāccubukaṃ prācīnam uttānaṃ prāṅmukha upadhāya citraṃ devānām ity ardharcābhyām akṣikaṭayorhutvā paśuśīrṣāṇy upadadhāti
- 8
यं कामयेतापशुः स्याद् इति विषूचीनानि तस्येत्य् उक्तम्
yaṃ kāmayetāpaśuḥ syād iti viṣūcīnāni tasyety uktam
- 9
वातस्य ध्राजिम् इति पुरस्तात्प्रतीचीनम् अश्वस्य
vātasya dhrājim iti purastātpratīcīnam aśvasya
- 10
अजस्रम् इन्दुम् इति पश्चात्प्राचीनम् ऋषभस्य
ajasram indum iti paścātprācīnam ṛṣabhasya
- 11
वरूत्रिं त्वष्टुर् इति दक्षिणत उदीचीनं वृष्णेः
varūtriṃ tvaṣṭur iti dakṣiṇata udīcīnaṃ vṛṣṇeḥ
- 12
यो अग्निर् अग्नेर् इत्य् उत्तरतो दक्षिणा बस्तस्य
yo agnir agner ity uttarato dakṣiṇā bastasya
- 13
तान्य् अव्यवायेनोत्सर्गैर् उपतिष्ठते
tāny avyavāyenotsargair upatiṣṭhate
- 14
इमं मा हिंसीर्द्विपादम् इति पुरुषस्य
imaṃ mā hiṃsīrdvipādam iti puruṣasya
- 15
इमं मा हिंसीर् एकशफम् इत्य् अश्वस्य
imaṃ mā hiṃsīr ekaśapham ity aśvasya
- 16
इमं समुद्रम् इत्य् ऋषभस्य
imaṃ samudram ity ṛṣabhasya
- 17
इमाम् ऊर्णायुम् इति वृष्णेः
imām ūrṇāyum iti vṛṣṇeḥ
- 18
अजा ह्य् अग्नेर् इति बस्तस्य
ajā hy agner iti bastasya
- 19
यदि वायव्यस्य स्यान्मुख्यस्य स्थाने सर्वेषाम् उपधानैर् उपधाय सर्वेषाम् उत्सर्गैर् उपतिष्ठेत
yadi vāyavyasya syānmukhyasya sthāne sarveṣām upadhānair upadhāya sarveṣām utsargair upatiṣṭheta
- 20
अपि वा तस्य तस्य स्थान उपधाय तस्य तस्योत्सर्गेणोपतिष्ठते
api vā tasya tasya sthāna upadhāya tasya tasyotsargeṇopatiṣṭhate
- 21
यं कामयेत कनीयो ऽस्यान्नं स्याद् इति संतरां तस्येत्य् उक्तम्
yaṃ kāmayeta kanīyo 'syānnaṃ syād iti saṃtarāṃ tasyety uktam
- 22
नमो अस्तु सर्पेभ्य इति दक्षिणे ऽंसे सर्पशिर उपदध्याद्विषूचीनं पशुशीर्षैः
namo astu sarpebhya iti dakṣiṇe 'ṃse sarpaśira upadadhyādviṣūcīnaṃ paśuśīrṣaiḥ
- 23
अपि वा यजुर् एव वदेन्नोपदध्यात्
api vā yajur eva vadennopadadhyāt

