14 shlokas
- 1
आतिथ्याया ध्रौवाद् इत्य् एतदादि कर्म प्रतिपद्यते
ātithyāyā dhrauvād ity etadādi karma pratipadyate
- 2
पौर्वाह्णिकीभ्यां प्रचर्याग्रेण प्राग्वंशं लोहिते चर्मण्य् आनडुहे प्राचीनग्रीव उत्तरलोम्नि प्रथमस्याश्चितेर् इष्टकाः संसादयति
अपि वा तिस्रः स्वयमातृण्णास्तिस्रश्च विश्वज्योतिषः
paurvāhṇikībhyāṃ pracaryāgreṇa prāgvaṃśaṃ lohite carmaṇy ānaḍuhe prācīnagrīva uttaralomni prathamasyāściter iṣṭakāḥ saṃsādayati
api vā tisraḥ svayamātṛṇṇāstisraśca viśvajyotiṣaḥ
- 3
ता दर्भाग्रमुष्टिनाज्येन व्यवोक्ष्य समुद्यम्य चित्यग्निभ्यः प्रणीयमानेभ्यो ऽनुब्रूहीति संप्रेष्यति
प्रणीयमानेभ्यो ऽनुब्रूहीति वा
tā darbhāgramuṣṭinājyena vyavokṣya samudyamya cityagnibhyaḥ praṇīyamānebhyo 'nubrūhīti saṃpreṣyati
praṇīyamānebhyo 'nubrūhīti vā
- 4
प्रथमायां त्रिर् अनूक्तायां हिरण्यगर्भः समवर्तताग्र इति प्राञ्चो ऽश्वप्रथमा अभिप्रव्रजन्ति
prathamāyāṃ trir anūktāyāṃ hiraṇyagarbhaḥ samavartatāgra iti prāñco 'śvaprathamā abhipravrajanti
- 5
श्वेतम् अश्वं पुरस्तान्नयन्ति
śvetam aśvaṃ purastānnayanti
- 6
प्रजापतिस्त्वा सादयतु तया देवतयाङ्गिरस्वद्ध्रुवा सीदेत्य् उत्तरवेदिम् अभिमृश्य मयि गृह्णाम्य् अग्रे अग्निं यो नो अग्निः पितर इति द्वाभ्याम् आत्मन्न् अग्निं गृहीत्वा यास्ते अग्ने समिध इति स्वयंचित्याभिमृशति
prajāpatistvā sādayatu tayā devatayāṅgirasvaddhruvā sīdety uttaravedim abhimṛśya mayi gṛhṇāmy agre agniṃ yo no agniḥ pitara iti dvābhyām ātmann agniṃ gṛhītvā yāste agne samidha iti svayaṃcityābhimṛśati
- 7
इष्टकाभिर् अग्निं चिनोत्य् अध्वर्युर्यजमानो वा
iṣṭakābhir agniṃ cinoty adhvaryuryajamāno vā
- 8
स्वयं चिन्वन्न् आत्मन्न् अग्निं गृह्णीते न स्वयंचित्याभिमृशति
svayaṃ cinvann ātmann agniṃ gṛhṇīte na svayaṃcityābhimṛśati
- 9
प्राचीर् उपदधाति प्रतीचीर् उपदधातीति गणेषु रीतिवादः
prācīr upadadhāti pratīcīr upadadhātīti gaṇeṣu rītivādaḥ
- 10
प्राचीम् उपदधाति प्रतीचीम् उपदधातीति कर्तुर्मुखवादः
prācīm upadadhāti pratīcīm upadadhātīti karturmukhavādaḥ
- 11
दक्षिणतः श्वेतो ऽश्वस्तिष्ठति
dakṣiṇataḥ śveto 'śvastiṣṭhati
- 12
तम् आलभ्येन्द्रं विश्वा अवीवृधन्न् इत्य् उत्तरेण पुच्छाप्ययम् अन्तर्विध आक्रमणं प्रतीष्टकाम् उपदध्यात्
tam ālabhyendraṃ viśvā avīvṛdhann ity uttareṇa pucchāpyayam antarvidha ākramaṇaṃ pratīṣṭakām upadadhyāt
- 13
उत्तरतः पश्चाद्वोपचारो ऽग्निः
uttarataḥ paścādvopacāro 'gniḥ
- 14
वाङ्म आसन्न् इति सर्वत्रारोहन्प्रत्यवरोहंश्च जपति
सकृद्वान्ततः
vāṅma āsann iti sarvatrārohanpratyavarohaṃśca japati
sakṛdvāntataḥ

