7 shlokas
- 1
अयं पुरो भुव इति पञ्चाशतं प्राणभृतः
दश दश प्रतिदिशम् अक्ष्णया दश
मध्ये ऽन्तराम् उपधाय बाह्यां बाह्याम्
ayaṃ puro bhuva iti pañcāśataṃ prāṇabhṛtaḥ
daśa daśa pratidiśam akṣṇayā daśa
madhye 'ntarām upadhāya bāhyāṃ bāhyām
- 2
प्राची दिशाम् इति पञ्चाशतम् अपानभृतो यथा प्राणभृतः
बाह्याम् उपधायान्तरामन्तराम्
prācī diśām iti pañcāśatam apānabhṛto yathā prāṇabhṛtaḥ
bāhyām upadhāyāntarāmantarām
- 3
आयुषः प्राणं संतनु
प्राणाद् अपानं संतनु
अपानाद्व्यानं संतनु
व्यानाच्चक्षुः संतनु
चक्षुषः श्रोत्रं संतनु
श्रोत्रान्मनः संतनु
मनसो वाचं संतनु
वाच आत्मानं संतनु
आत्मनः पृथिवीं संतनु
पृथिव्या अन्तरिक्षं संतनु
अन्तरिक्षाद्दिवं संतनु
दिवः सुवः संतन्व् इति द्वादश संततीः
āyuṣaḥ prāṇaṃ saṃtanu
prāṇād apānaṃ saṃtanu
apānādvyānaṃ saṃtanu
vyānāccakṣuḥ saṃtanu
cakṣuṣaḥ śrotraṃ saṃtanu
śrotrānmanaḥ saṃtanu
manaso vācaṃ saṃtanu
vāca ātmānaṃ saṃtanu
ātmanaḥ pṛthivīṃ saṃtanu
pṛthivyā antarikṣaṃ saṃtanu
antarikṣāddivaṃ saṃtanu
divaḥ suvaḥ saṃtanv iti dvādaśa saṃtatīḥ
- 4
पृथिवी वशामावास्या गर्भो वनस्पतयो जराय्व् अग्निर्वत्सो ऽग्निहोत्रं पीयूषः
अन्तरिक्षं वशा धाता गर्भो रुद्रो जरायु वायुर्वत्सो घर्मः पीयूषः
द्यौर्वशा स्तनयित्नुर्गर्भो नक्षत्राणि जरायु सूर्यो वत्सो वृष्टिः पीयूषः
ऋग्वशा बृहद्रथंतरे गर्भः प्रैषनिविदो जरायु यज्ञो वत्सो दक्षिणाः पीयूषः
विड्वशा राजन्यो गर्भः पशवो जरायु राजा वत्सो बलिः पीयूष इति पञ्च वशाः
pṛthivī vaśāmāvāsyā garbho vanaspatayo jarāyv agnirvatso 'gnihotraṃ pīyūṣaḥ
antarikṣaṃ vaśā dhātā garbho rudro jarāyu vāyurvatso gharmaḥ pīyūṣaḥ
dyaurvaśā stanayitnurgarbho nakṣatrāṇi jarāyu sūryo vatso vṛṣṭiḥ pīyūṣaḥ
ṛgvaśā bṛhadrathaṃtare garbhaḥ praiṣanivido jarāyu yajño vatso dakṣiṇāḥ pīyūṣaḥ
viḍvaśā rājanyo garbhaḥ paśavo jarāyu rājā vatso baliḥ pīyūṣa iti pañca vaśāḥ
- 5
अर्थेत स्थाध्वगतो ऽग्निर्वस्तेजिष्ठेन तेजसा देवताभिर्गृह्णामीति कुम्भं कुम्भीं चाद्भिः पूरयित्वा शर्म च स्थ वर्म च स्थ देवस्य वः सवितुः प्रसवे मधुमतीः सादयामीति पुरस्ताद् अनुसीतम् उपधाय ज्योतिषे वाम् इति हिरण्यशल्कौ प्रत्यस्यति
artheta sthādhvagato 'gnirvastejiṣṭhena tejasā devatābhirgṛhṇāmīti kumbhaṃ kumbhīṃ cādbhiḥ pūrayitvā śarma ca stha varma ca stha devasya vaḥ savituḥ prasave madhumatīḥ sādayāmīti purastād anusītam upadhāya jyotiṣe vām iti hiraṇyaśalkau pratyasyati
- 6
एवम् उत्तरा उत्तरैर्मन्त्रैः प्रतिदिशम् अनुसीतम्
चतस्रो मध्ये
evam uttarā uttarairmantraiḥ pratidiśam anusītam
catasro madhye
- 7
शुक्रा स्थ वीर्यावतीर् इन्द्रस्य व इन्द्रियावतो देवताभिर्गृह्णामि
śukrā stha vīryāvatīr indrasya va indriyāvato devatābhirgṛhṇāmi

