8 shlokas
- 1
तत्त्वा यामि ब्रह्मणा वन्दमान इति शालामुखीये हुत्वा प्राञ्चम् अश्वम् अभ्य् अस्थाद्विश्वा इति दक्षिणेन पदा दर्भस्तम्बम् आक्रमय्य प्रदक्षिणम् आवर्तयित्वा यद् अक्रन्द इति पुनर् एवाक्रमयति
tattvā yāmi brahmaṇā vandamāna iti śālāmukhīye hutvā prāñcam aśvam abhy asthādviśvā iti dakṣiṇena padā darbhastambam ākramayya pradakṣiṇam āvartayitvā yad akranda iti punar evākramayati
- 2
अपां पृष्ठम् असीत्य् अश्वस्य पदे पुष्करपर्णम् उत्तानम् उपधायापां निधिं गायेति संप्रेष्यति
apāṃ pṛṣṭham asīty aśvasya pade puṣkaraparṇam uttānam upadhāyāpāṃ nidhiṃ gāyeti saṃpreṣyati
- 3
ब्रह्म जज्ञानम् इति पुष्करपर्ण उपरिष्टान्निर्बाधं रुक्मम् उपधाय हिरण्यगर्भः समवर्तताग्र इति तस्मिन्हिरण्मयं पुरुषं प्राचीनम् उत्तानं दक्षिणेनातृण्णं प्राङ्मुख उपधाय पुरुषसाम गायेति संप्रेष्यति
brahma jajñānam iti puṣkaraparṇa upariṣṭānnirbādhaṃ rukmam upadhāya hiraṇyagarbhaḥ samavartatāgra iti tasminhiraṇmayaṃ puruṣaṃ prācīnam uttānaṃ dakṣiṇenātṛṇṇaṃ prāṅmukha upadhāya puruṣasāma gāyeti saṃpreṣyati
- 4
द्रप्सश्चस्कन्देति पुरुषम् अभिमृश्य नमो अस्तु सर्पेभ्य इति तिसृभिर् अभिमन्त्र्य कृणुष्व पाज इति पञ्चभिर् उत्तरवेदिवत्पुरुषं व्याघार्य स्रुचाव् उपदधातीत्य् उक्तम्
drapsaścaskandeti puruṣam abhimṛśya namo astu sarpebhya iti tisṛbhir abhimantrya kṛṇuṣva pāja iti pañcabhir uttaravedivatpuruṣaṃ vyāghārya srucāv upadadhātīty uktam
- 5
अपि वाग्नेस्त्वा तेजसा सादयामीत्य् आज्यस्य पूर्णां कार्ष्मर्यमयीं दक्षिणेन पुरुषम्
इन्द्रस्य त्वौजसा सादयामीति दध्नः पूर्णाम् औदुम्बरीम् उत्तरेण पुरुषम्
api vāgnestvā tejasā sādayāmīty ājyasya pūrṇāṃ kārṣmaryamayīṃ dakṣiṇena puruṣam
indrasya tvaujasā sādayāmīti dadhnaḥ pūrṇām audumbarīm uttareṇa puruṣam
- 6
अग्निर्मूर्धेति कार्ष्मर्यमयीम् उपतिष्ठते
भुवो यज्ञस्येत्य् औदुम्बरीम्
एतद्वा विपरीतम्
agnirmūrdheti kārṣmaryamayīm upatiṣṭhate
bhuvo yajñasyety audumbarīm
etadvā viparītam
- 7
मूर्धन्वतीभ्याम् उपदधाति यजुर्भ्याम् उपतिष्ठत इत्य् एके
mūrdhanvatībhyām upadadhāti yajurbhyām upatiṣṭhata ity eke
- 8
अत्र पुरुषवद्रुक्मं व्याघार्य
atra puruṣavadrukmaṃ vyāghārya

