10 shlokas
- 1
चात्वालस्थानात्पुरीषम् आहृत्य पृष्टो दिवीति वैश्वानर्यर्चा चिताव् अनुव्यूहति
cātvālasthānātpurīṣam āhṛtya pṛṣṭo divīti vaiśvānaryarcā citāv anuvyūhati
- 2
सा चितिर्भवति
sā citirbhavati
- 3
पञ्चचितीकं चिन्वीत प्रथमं चिन्वानः
त्रिचितीकं द्वितीयम्
एकचितीकं तृतीयम्
pañcacitīkaṃ cinvīta prathamaṃ cinvānaḥ
tricitīkaṃ dvitīyam
ekacitīkaṃ tṛtīyam
- 4
एकचितीकान् एवात ऊर्ध्वं चिन्वीत
ekacitīkān evāta ūrdhvaṃ cinvīta
- 5
अजीजनन्न् अमृतं मर्त्यास इति गार्हपत्यचितिम् अभिमृश्य समितम् इति तस्यां चतसृभिर् उख्यं संनिवपति
ajījanann amṛtaṃ martyāsa iti gārhapatyacitim abhimṛśya samitam iti tasyāṃ catasṛbhir ukhyaṃ saṃnivapati
- 6
विज्ञायते च वि वा एतौ द्विषाते यश्चोखायां यश्च चीयते
ब्रह्म यजुः
यत्संन्युप्य विहरति ब्रह्मणैवैनौ संशास्तीति
vijñāyate ca vi vā etau dviṣāte yaścokhāyāṃ yaśca cīyate
brahma yajuḥ
yatsaṃnyupya viharati brahmaṇaivainau saṃśāstīti
- 7
साकं हि शुचिना शुचिः प्रशास्ता क्रतुनाजनि
विद्वाꣳ अस्य व्रता ध्रुवा वया इवानुरोहत इति संन्युप्ताव् अभिमन्त्र्य मातेव पुत्रम् इति शिक्याद् उखां निरूह्य यद् अस्य पारे रजस इति वैश्वानर्या शिक्यम् आदत्ते
sākaṃ hi śucinā śuciḥ praśāstā kratunājani
vidvām̐ asya vratā dhruvā vayā ivānurohata iti saṃnyuptāv abhimantrya māteva putram iti śikyād ukhāṃ nirūhya yad asya pāre rajasa iti vaiśvānaryā śikyam ādatte
- 8
नैरृतीर् इष्टकाः कृष्णास्तिस्रस्तुषपक्वास्ताः शिक्यं रुक्मसूत्रम् आसन्दीं चादाय दक्षिणम् अपरम् अवान्तरदेशं गत्वा नमः सु ते निरृत इति स्वकृत इरिणे प्रदरे वा शिक्यं निधाय तस्येष्टकाभिः पाशम् अभ्युपदधाति
nairṛtīr iṣṭakāḥ kṛṣṇāstisrastuṣapakvāstāḥ śikyaṃ rukmasūtram āsandīṃ cādāya dakṣiṇam aparam avāntaradeśaṃ gatvā namaḥ su te nirṛta iti svakṛta iriṇe pradare vā śikyaṃ nidhāya tasyeṣṭakābhiḥ pāśam abhyupadadhāti
- 9
यस्यास्ते अस्याः क्रूर आसञ्जुहोमीत्य् एताभिस्तिसृभिः पराचीर् असंस्पृष्टा दक्षिणापवर्गम्
yasyāste asyāḥ krūra āsañjuhomīty etābhistisṛbhiḥ parācīr asaṃspṛṣṭā dakṣiṇāpavargam
- 10
न तयादेवतं करोति
na tayādevataṃ karoti

