13 shlokas
- 1
यच्चिद्धि त्वं गृहे गृह उलूखलक युज्यसे
इह द्युमत्तमं वद जयताम् इव दुन्दुभिर् इति प्रादेशमात्रं चतुःस्रक्त्य् औदुम्बरम् उलूखलम् उत्तरे ऽंसे प्रयुनक्ति
yacciddhi tvaṃ gṛhe gṛha ulūkhalaka yujyase
iha dyumattamaṃ vada jayatām iva dundubhir iti prādeśamātraṃ catuḥsrakty audumbaram ulūkhalam uttare 'ṃse prayunakti
- 2
अपरिमितं मुसलम्
aparimitaṃ musalam
- 3
उत स्म ते वनस्पते वातो वि वात्य् अग्रम् इत्
अथो इन्द्राय पातवे सुनु सोमम् उलूखलेति सर्वौषधस्य पूरयित्वावहत्य् एदं विष्णुर्विचक्रम इति मध्ये ऽग्नेर् उपदधाति
uta sma te vanaspate vāto vi vāty agram it
atho indrāya pātave sunu somam ulūkhaleti sarvauṣadhasya pūrayitvāvahaty edaṃ viṣṇurvicakrama iti madhye 'gner upadadhāti
- 4
तद्विष्णोः परमं पदम् इति मुसलम्
tadviṣṇoḥ paramaṃ padam iti musalam
- 5
दिवो वा विष्णव् इति शूर्पम्
divo vā viṣṇav iti śūrpam
- 6
स्यूता देवेभिर् अमृतेनागा उखां स्वसारम् अधि वेदिम् अस्थात्
सत्यं पूर्वैर् ऋषिभिश्चाकुपानो ऽग्निः प्रविद्वान् इह तत्करोत्व् इति घृतेनोखां पूरयति
दध्ना मधुना सिकताभिर्वा सर्वैर्वा
syūtā devebhir amṛtenāgā ukhāṃ svasāram adhi vedim asthāt
satyaṃ pūrvair ṛṣibhiścākupāno 'gniḥ pravidvān iha tatkarotv iti ghṛtenokhāṃ pūrayati
dadhnā madhunā sikatābhirvā sarvairvā
- 7
संसृज्य न रिक्ताम् अवेक्षेत
शुग्विद्धा भवति
saṃsṛjya na riktām avekṣeta
śugviddhā bhavati
- 8
अथास्यां पय आनयति
athāsyāṃ paya ānayati
- 9
संन्युप्य पूरणम् एके समामनन्ति
saṃnyupya pūraṇam eke samāmananti
- 10
यं कामयेत क्षोधुकः स्याद् इत्य् ऊनां तस्येत्य् उक्तम्
yaṃ kāmayeta kṣodhukaḥ syād ity ūnāṃ tasyety uktam
- 11
ध्रुवासि पृथिवीति मध्ये ऽग्नेर् उपदधाति
dhruvāsi pṛthivīti madhye 'gner upadadhāti
- 12
पृथिवि पृथिव्यां सीद माता मातरि माता स्योना स्योनायाम् उखां स्वसारम् अधि वेदिम् अस्थात्
सत्यं पूर्वैर् ऋषिभिश्चाकुपानो ऽग्निः प्रविद्वान् इह तद्दधात्व् इति वोलूखलम् उपदधातीति वाजसनेयकम्
pṛthivi pṛthivyāṃ sīda mātā mātari mātā syonā syonāyām ukhāṃ svasāram adhi vedim asthāt
satyaṃ pūrvair ṛṣibhiścākupāno 'gniḥ pravidvān iha taddadhātv iti volūkhalam upadadhātīti vājasaneyakam
- 13
अग्ने युक्ष्वा हि ये तव युक्ष्वा हि देवहूतमान् इति द्वाभ्याम् उखायां हुत्वा पुरुषशिरसि हिरण्यशल्कान्प्रत्यस्यति
agne yukṣvā hi ye tava yukṣvā hi devahūtamān iti dvābhyām ukhāyāṃ hutvā puruṣaśirasi hiraṇyaśalkānpratyasyati

