14 shlokas
- 1
मुसलं चतुर्हस्तं यजमानायतं वा युक्तनाहं मूले ऽयसा निबद्धम्
musalaṃ caturhastaṃ yajamānāyataṃ vā yuktanāhaṃ mūle 'yasā nibaddham
- 2
एतौ यावता हविर्द्रव्यस्यावघातयोग्यौ तावत्प्रमाणौ वा
etau yāvatā havirdravyasyāvaghātayogyau tāvatpramāṇau vā
- 3
वेणुवेत्रकरीषकेष्व् एकेनारत्निमात्रायतं वृत्तमूलं विंशत्यङ्गुलिविस्तारम् अष्टादशाङ्गुलिविस्तारं वा क्रमान्न्यूनं द्व्यङ्गुलाग्रं शूर्पम्
veṇuvetrakarīṣakeṣv ekenāratnimātrāyataṃ vṛttamūlaṃ viṃśatyaṅgulivistāram aṣṭādaśāṅgulivistāraṃ vā kramānnyūnaṃ dvyaṅgulāgraṃ śūrpam
- 4
याज्ञिकं यत्किंचित्काष्ठं द्वितालदीर्घं धृष्टिः
yājñikaṃ yatkiṃcitkāṣṭhaṃ dvitāladīrghaṃ dhṛṣṭiḥ
- 5
अधरा दृषद् ऊर्ध्वोपला च द्वे पेषण्यौ संपेषणशक्ते
adharā dṛṣad ūrdhvopalā ca dve peṣaṇyau saṃpeṣaṇaśakte
- 6
तथा ग्रावाणौ द्वौ यथोक्तयोग्यौ
tathā grāvāṇau dvau yathoktayogyau
- 7
मृन्मयी प्रस्थपूर्णाज्यस्थाली
mṛnmayī prasthapūrṇājyasthālī
- 8
कांस्यादिलोहमयीत्य् एके
kāṃsyādilohamayīty eke
- 9
विंशत्यङ्गुलिविस्तारायता पिष्टसंयवनी पात्री सुवृत्ता चतुःप्रस्थोदकपूर्णा मदन्तिपयोदोहस्तावत्पयःपूर्णा सांनाय्यदधिकुम्भ्यौ च संयुक्तेषु पुरोडाशनिधानाय यावत्तालं तदुक्तसंख्याप्रमाणानि कपालानि द्व्यङ्गुलायतविस्ताराणि वा सर्वेषां मानम् अर्धाङ्गुलम्
viṃśatyaṅgulivistārāyatā piṣṭasaṃyavanī pātrī suvṛttā catuḥprasthodakapūrṇā madantipayodohastāvatpayaḥpūrṇā sāṃnāyyadadhikumbhyau ca saṃyukteṣu puroḍāśanidhānāya yāvattālaṃ taduktasaṃkhyāpramāṇāni kapālāni dvyaṅgulāyatavistārāṇi vā sarveṣāṃ mānam ardhāṅgulam
- 10
प्रस्थतण्डुलपाका चरुस्थाली हविःशेषदानोक्ते द्विप्रस्थतण्डुलपाका वा प्रस्थार्धतण्डुलपाका प्रस्थचतुर्भागतण्डुलपाका वा
prasthataṇḍulapākā carusthālī haviḥśeṣadānokte dviprasthataṇḍulapākā vā prasthārdhataṇḍulapākā prasthacaturbhāgataṇḍulapākā vā
- 11
संस्रावस्रोतोयुक्तौ
saṃsrāvasrotoyuktau
- 12
वृत्तोर्ध्वकपालाग्निहोत्रस्थाली
vṛttordhvakapālāgnihotrasthālī
- 13
द्रोणार्धतण्डुलपाकान्वाहार्यस्थाली
droṇārdhataṇḍulapākānvāhāryasthālī
- 14
प्रस्थपूर्णस्तदर्धपूर्णो वा शरावः स्यात्
prasthapūrṇastadardhapūrṇo vā śarāvaḥ syāt

