12 shlokas
- 1
वायुः पूतः पवित्रेणेति सोमवामिनः सोमातिपवितस्य च प्राङ्सोम इति सोमवामिनः प्रत्यङ्सोम इति सोमातिपवितस्य
vāyuḥ pūtaḥ pavitreṇeti somavāminaḥ somātipavitasya ca prāṅsoma iti somavāminaḥ pratyaṅsoma iti somātipavitasya
- 2
पूतां सुरां ब्राह्मणस्य मूर्ध्नि खरे वासाद्य पशून् उपाकरोति
pūtāṃ surāṃ brāhmaṇasya mūrdhni khare vāsādya paśūn upākaroti
- 3
समानो यूपः स्वरुश्च
samāno yūpaḥ svaruśca
- 4
आश्विनं धूम्रम् अजम् आलभते सारस्वतं मेषम् ऐन्द्रम् ऋषभं मेषं वा
āśvinaṃ dhūmram ajam ālabhate sārasvataṃ meṣam aindram ṛṣabhaṃ meṣaṃ vā
- 5
बार्हस्पत्यं पशुं चतुर्थम् अतिपवितस्यालभते सोमवामिनश्च
bārhaspatyaṃ paśuṃ caturtham atipavitasyālabhate somavāminaśca
- 6
पाशुकानि पात्राणि संसृज्य जुहूवद् ऊर्ध्वपात्राणि संमार्ष्टि
pāśukāni pātrāṇi saṃsṛjya juhūvad ūrdhvapātrāṇi saṃmārṣṭi
- 7
वपासु हुतासु रुक्मम् ऋषभः सृत्वरी वडबा च दक्षिणा
vapāsu hutāsu rukmam ṛṣabhaḥ sṛtvarī vaḍabā ca dakṣiṇā
- 8
चात्वाले मार्जयित्वोर्ध्वपात्रैः कुविद् अङ्गेति पुरोरुचम् अनूच्यापरस्मिन्खरे सुराग्रहान्गृह्णाति
cātvāle mārjayitvordhvapātraiḥ kuvid aṅgeti purorucam anūcyāparasminkhare surāgrahāngṛhṇāti
- 9
सर्वेषां ग्रहाणाम् एका पुरोरुग्युवꣳ सुरामम् अश्विना पुत्रम् इव पितराव् इति देवतात्रयवत्यौ याज्यानुवाक्ये भवतः
sarveṣāṃ grahāṇām ekā purorugyuvam̐ surāmam aśvinā putram iva pitarāv iti devatātrayavatyau yājyānuvākye bhavataḥ
- 10
उपयामगृहीतो ऽस्य् अच्छिद्रां त्वाच्छिद्रेणाश्विभ्यां जुष्टं गृह्णामीत्य् आश्विनं ग्रहम् अध्वर्युर्गृह्णाति
upayāmagṛhīto 'sy acchidrāṃ tvācchidreṇāśvibhyāṃ juṣṭaṃ gṛhṇāmīty āśvinaṃ graham adhvaryurgṛhṇāti
- 11
उपयामगृहीतो ऽस्य् अच्छिद्रां त्वाच्छिद्रेण सरस्वत्यै जुष्टं गृह्णामीति प्रतिप्रस्थाता सारस्वतम्
upayāmagṛhīto 'sy acchidrāṃ tvācchidreṇa sarasvatyai juṣṭaṃ gṛhṇāmīti pratiprasthātā sārasvatam
- 12
उपयामगृहीतो ऽस्य् अच्छिद्रां त्वाच्छिद्रेणेन्द्राय सुत्राम्णे जुष्टं गृह्णामीति यजमानो ब्रह्मा वैन्द्रम्
upayāmagṛhīto 'sy acchidrāṃ tvācchidreṇendrāya sutrāmṇe juṣṭaṃ gṛhṇāmīti yajamāno brahmā vaindram

