13 shlokas
- 1
सोमो ऽस्य् अश्विभ्याम् इति संसृष्टान् अभिमृशति
somo 'sy aśvibhyām iti saṃsṛṣṭān abhimṛśati
- 2
तिसृषु रात्रिषु व्युष्टासु पशुबन्धस्तायते सौत्रामणिः
tisṛṣu rātriṣu vyuṣṭāsu paśubandhastāyate sautrāmaṇiḥ
- 3
तस्या निरूढपशुबन्धवत्कल्पः
tasyā nirūḍhapaśubandhavatkalpaḥ
- 4
सौमिकवेदितृतीये यजत इति विज्ञायते
saumikaveditṛtīye yajata iti vijñāyate
- 5
पूर्वेद्युर् एकम् एव यूपं छिनत्ति
pūrvedyur ekam eva yūpaṃ chinatti
- 6
त्रीन् इत्य् एके
trīn ity eke
- 7
प्राक्तनेन वेदेन कार्यं करोति
prāktanena vedena kāryaṃ karoti
- 8
उत्तरवेदेर्दक्षिणतो विमिता परिस्तृता भवति यदि द्व्यहः कालः
uttaravederdakṣiṇato vimitā paristṛtā bhavati yadi dvyahaḥ kālaḥ
- 9
यस्मिन्काले ऽध्वर्युर् उत्तरवेदिं करोति तदा प्रतिप्रस्थाता चात्वालात्पुरीषम् आहृत्योत्तरवेदिं दक्षिणेन खरं चतुरश्रं द्व्यङ्गुलोन्नतं करोत्य् अग्रेणान्वाहार्यपचनं द्वितीयं खरं च
yasminkāle 'dhvaryur uttaravediṃ karoti tadā pratiprasthātā cātvālātpurīṣam āhṛtyottaravediṃ dakṣiṇena kharaṃ caturaśraṃ dvyaṅgulonnataṃ karoty agreṇānvāhāryapacanaṃ dvitīyaṃ kharaṃ ca
- 10
यदाध्वर्युर् अग्निं प्रणयति तदान्वाहार्यपचनाद् अङ्गारान् आहृत्य प्रतिप्रस्थाता पूर्वस्मिन्खरे प्रतिष्ठापयति
yadādhvaryur agniṃ praṇayati tadānvāhāryapacanād aṅgārān āhṛtya pratiprasthātā pūrvasminkhare pratiṣṭhāpayati
- 11
अत्र पाणी न प्रक्षालयते
atra pāṇī na prakṣālayate
- 12
अश्विभ्यां सरस्वत्या इन्द्राय सुत्राम्णे त्रीणि वैकङ्कतान्य् ऊर्ध्वपात्राण्य् अपरस्मिन्खरे प्रयुनक्ति सतं शतातृण्णां स्थालीं रुक्मं वालस्रावं श्येनपत्त्रं श्रयणानि
aśvibhyāṃ sarasvatyā indrāya sutrāmṇe trīṇi vaikaṅkatāny ūrdhvapātrāṇy aparasminkhare prayunakti sataṃ śatātṛṇṇāṃ sthālīṃ rukmaṃ vālasrāvaṃ śyenapattraṃ śrayaṇāni
- 13
पशूपाकरणकाले सुराम् उद्भिद्य सते निःषिच्य पुनातु ते परिस्रुतम् इत्यादिना सदशेन वालमयेन पवित्रेण सुरां पुनाति
paśūpākaraṇakāle surām udbhidya sate niḥṣicya punātu te parisrutam ityādinā sadaśena vālamayena pavitreṇa surāṃ punāti

