8 shlokas
- 1
ब्राह्मणस्य यजमानस्य ब्राह्मणं परिक्रीणीयाद् उच्छेषणस्य पातारम्
brāhmaṇasya yajamānasya brāhmaṇaṃ parikrīṇīyād uccheṣaṇasya pātāram
- 2
यदि ब्राह्मणं न विन्देद्वल्मीकवपायाम् अवनयेद् इति ब्राह्मणम्
yadi brāhmaṇaṃ na vindedvalmīkavapāyām avanayed iti brāhmaṇam
- 3
नाना हि वां देवहितं सदो मितं यद् अत्र शिष्टं रसिन इति द्वाभ्याम् उच्छेषणं पिबेत्
nānā hi vāṃ devahitaṃ sado mitaṃ yad atra śiṣṭaṃ rasina iti dvābhyām uccheṣaṇaṃ pibet
- 4
द्वे स्रुती अशृणवं पितॄणाम् इति वा सर्वहुतं जुहुयात्
dve srutī aśṛṇavaṃ pitṝṇām iti vā sarvahutaṃ juhuyāt
- 5
दक्षिणे ऽग्नौ शिक्येन धृतायां स्थाल्यां शतातृण्णायां पवित्रम् उदीचीनदशं वितत्य यन्मे मनः परागतम् इति रुक्मं कुण्डलं निष्कत्रयं द्वयं वा शतमानम् अनूनं धारयन्सोमप्रतीकाः पितरस्तृप्णुतेति सुरोच्छेषं समवनयति
dakṣiṇe 'gnau śikyena dhṛtāyāṃ sthālyāṃ śatātṛṇṇāyāṃ pavitram udīcīnadaśaṃ vitatya yanme manaḥ parāgatam iti rukmaṃ kuṇḍalaṃ niṣkatrayaṃ dvayaṃ vā śatamānam anūnaṃ dhārayansomapratīkāḥ pitarastṛpṇuteti suroccheṣaṃ samavanayati
- 6
त्वं सोम प्रचिकित इत्य् एताभिः पितृमतीभिः सौमीभिस्तिसृभिर्याज्यानुवाक्याभिः स्रवन्तीं पुरस्ताद् अध्वर्युर् उपतिष्ठत उत्तराभिस्तिसृभिर्दक्षिणतो ब्रह्मोत्तराभिस्त्रिभिः पश्चाद्धोता
tvaṃ soma pracikita ity etābhiḥ pitṛmatībhiḥ saumībhistisṛbhiryājyānuvākyābhiḥ sravantīṃ purastād adhvaryur upatiṣṭhata uttarābhistisṛbhirdakṣiṇato brahmottarābhistribhiḥ paścāddhotā
- 7
यद् अग्ने कव्यवाहनेति काव्यवाहनीभिर् आग्नीध्रः शतातृण्णां दक्षिणे ऽग्नौ निदधाति
yad agne kavyavāhaneti kāvyavāhanībhir āgnīdhraḥ śatātṛṇṇāṃ dakṣiṇe 'gnau nidadhāti
- 8
राजन्यवैश्यौ तु सुरोच्छेषं स्वयम् एव पिबेताम्
rājanyavaiśyau tu suroccheṣaṃ svayam eva pibetām

