12 shlokas
- 1
कर्मण्य् अधिके च तथैवाधिकानि पात्राणि प्रक्षेपणीयानि लौकिकानि भाण्डानि तत्तत्कर्मार्हाणि स्युः
karmaṇy adhike ca tathaivādhikāni pātrāṇi prakṣepaṇīyāni laukikāni bhāṇḍāni tattatkarmārhāṇi syuḥ
- 2
द्विप्रादेशैः कुशैर्युग्मैः प्रादेशविस्तृतं द्विकानुबद्धम् अग्रे ग्रथितं चोपाहरणीयं कूर्चं तथैवोपसादनीयं चमसम् आददाति
dviprādeśaiḥ kuśairyugmaiḥ prādeśavistṛtaṃ dvikānubaddham agre grathitaṃ copāharaṇīyaṃ kūrcaṃ tathaivopasādanīyaṃ camasam ādadāti
- 3
प्रादेशो वितस्तिस्तालम् इति द्वादशाङ्गुलस्य हस्तो ऽरत्निर् इति चतुर्विंशत्यङ्गुलस्य संज्ञा भवेत्
prādeśo vitastistālam iti dvādaśāṅgulasya hasto 'ratnir iti caturviṃśatyaṅgulasya saṃjñā bhavet
- 4
सिकतासूक्तासु शुष्काः सिकता ग्राह्याः
sikatāsūktāsu śuṣkāḥ sikatā grāhyāḥ
- 5
तास्व् आर्द्रतृणम् उत्काष्ठाश्मलोष्टलोमादीन्विसृजेत्
tāsv ārdratṛṇam utkāṣṭhāśmaloṣṭalomādīnvisṛjet
- 6
परिस्तरणकूर्चपवित्रादीनां बर्हिरुक्तौ कुशान्काशान् अश्ववालान्वा
paristaraṇakūrcapavitrādīnāṃ barhiruktau kuśānkāśān aśvavālānvā
- 7
तदलाभे सुगन्धितेजनमुञ्जोलपश्यामाकनीवारसस्यदूर्वातृणान्य् अन्यानि पलालानि वा गृह्णाति
tadalābhe sugandhitejanamuñjolapaśyāmākanīvārasasyadūrvātṛṇāny anyāni palālāni vā gṛhṇāti
- 8
शुण्ठशरशूकविशीर्णतृणनडदमूतवबल्बजानि वर्जयेत्
śuṇṭhaśaraśūkaviśīrṇatṛṇanaḍadamūtavabalbajāni varjayet
- 9
परिधीध्मोक्तौ पलाशखदिरबिल्वाश्वत्थशमीनां शाखाः समिधः परिधयश्च मुख्याः
paridhīdhmoktau palāśakhadirabilvāśvatthaśamīnāṃ śākhāḥ samidhaḥ paridhayaśca mukhyāḥ
- 10
विकङ्कतोदुम्बरन्यग्रोधप्लक्षकार्ष्मर्यपौतुद्रवरोहीतकादीनां यज्ञोक्तवृक्षाणां मध्यमाः
vikaṅkatodumbaranyagrodhaplakṣakārṣmaryapautudravarohītakādīnāṃ yajñoktavṛkṣāṇāṃ madhyamāḥ
- 11
तदन्यवनस्पतीनां गौणाः
tadanyavanaspatīnāṃ gauṇāḥ
- 12
स्वयंशुष्का न ग्राह्याः
svayaṃśuṣkā na grāhyāḥ

