11 shlokas
- 1
क्वलसक्तून्सिंहलोमानि चाश्विने श्रीणाति बदरसक्तूंछार्दूललोमानि च सारस्वते कर्कन्धुसक्तून्वृकलोमानि चैन्द्रे
kvalasaktūnsiṃhalomāni cāśvine śrīṇāti badarasaktūṃchārdūlalomāni ca sārasvate karkandhusaktūnvṛkalomāni caindre
- 2
अपि वा सिंहाव् अध्वर्युर्मनसा ध्यायेच्छार्दूलौ प्रतिप्रस्थाता वृकौ यजमानः
api vā siṃhāv adhvaryurmanasā dhyāyecchārdūlau pratiprasthātā vṛkau yajamānaḥ
- 3
श्येनपत्त्रेण ग्रहान्परिमृज्यैष ते योनिर् अश्विभ्यां त्वेत्य् अध्वर्युर्यथायतनं सादयत्य् एष ते योनिः सरस्वत्यै त्वेति प्रतिप्रस्थातैष ते योनिर् इन्द्राय सुत्राम्णे त्वेति यजमानः
śyenapattreṇa grahānparimṛjyaiṣa te yonir aśvibhyāṃ tvety adhvaryuryathāyatanaṃ sādayaty eṣa te yoniḥ sarasvatyai tveti pratiprasthātaiṣa te yonir indrāya sutrāmṇe tveti yajamānaḥ
- 4
अपि वा पयोग्रहान्गृह्णाति न सुराग्रहान् इत्य् एकेषाम्
api vā payograhāngṛhṇāti na surāgrahān ity ekeṣām
- 5
पुरोडाशान्निरुप्यैन्द्रम् एकादशकपालं सावित्रं द्वादशकपालं वारुणं दशकपालं च निर्वपति
puroḍāśānnirupyaindram ekādaśakapālaṃ sāvitraṃ dvādaśakapālaṃ vāruṇaṃ daśakapālaṃ ca nirvapati
- 6
तान् आसाद्य तत्तद्ग्रहैस्ते प्रचरन्ति
tān āsādya tattadgrahaiste pracaranti
- 7
अश्विभ्यां सरस्वत्या इन्द्राय सुत्राम्णे सोमानां सुराम्णाम् अनुब्रूहीत्य् अध्वर्युः संप्रेष्यति
aśvibhyāṃ sarasvatyā indrāya sutrāmṇe somānāṃ surāmṇām anubrūhīty adhvaryuḥ saṃpreṣyati
- 8
आश्राव्य प्रत्याश्राविते ऽश्विभ्यां सरस्वत्या इन्द्राय सुत्राम्णे सोमान्सुराम्णः प्रस्थितान्प्रेष्येति संप्रेष्यति मैत्रावरुणो होतारं प्रेष्यति
āśrāvya pratyāśrāvite 'śvibhyāṃ sarasvatyā indrāya sutrāmṇe somānsurāmṇaḥ prasthitānpreṣyeti saṃpreṣyati maitrāvaruṇo hotāraṃ preṣyati
- 9
वषट्कृते जुह्वति
vaṣaṭkṛte juhvati
- 10
सोमस्याग्ने वीहीत्य् अनुयजति
somasyāgne vīhīty anuyajati
- 11
अहाव्य् अग्ने हविर् आस्ये ते यस्मिन्न् अश्वास इति द्वाभ्यां यजमानो हुतम् अनुमन्त्रयते
ahāvy agne havir āsye te yasminn aśvāsa iti dvābhyāṃ yajamāno hutam anumantrayate

