9 shlokas
- 1
अथ सौत्रामणी
atha sautrāmaṇī
- 2
तया ब्राह्मणो राजन्यो वैश्यो वा भूतिकामो यजेत सोमातिपवितः सोमवामी राजा चापरुद्धो ऽभिचरन्न् अभिचर्यमाणो ऽभिषेकेषु च सर्वत्र
tayā brāhmaṇo rājanyo vaiśyo vā bhūtikāmo yajeta somātipavitaḥ somavāmī rājā cāparuddho 'bhicarann abhicaryamāṇo 'bhiṣekeṣu ca sarvatra
- 3
सौत्रामण्या यक्ष्यमाणस्य पुरस्तात्त्रिरात्रे सीसेन क्लीबाच्छष्पाणि व्रीह्यादीन्क्रीणाति
sautrāmaṇyā yakṣyamāṇasya purastāttrirātre sīsena klībācchaṣpāṇi vrīhyādīnkrīṇāti
- 4
तानि क्षौमे न्युप्योपनह्यति
tāni kṣaume nyupyopanahyati
- 5
अग्न्यन्वाधानादि परिस्तरणान्तं कृत्वा पाणिप्रक्षालनादि प्रतिपद्य कपालानां स्थाने स्थालीं प्रयुनक्ति
agnyanvādhānādi paristaraṇāntaṃ kṛtvā pāṇiprakṣālanādi pratipadya kapālānāṃ sthāne sthālīṃ prayunakti
- 6
अश्विभ्यां सरस्वत्या इन्द्राय सुत्राम्णे प्रभूतान्व्रीहीन्निर्वपति
aśvibhyāṃ sarasvatyā indrāya sutrāmṇe prabhūtānvrīhīnnirvapati
- 7
तेष्व् अर्धान् अवहत्य चरुकल्पेन श्रपयत्य् अर्धान्गार्हपत्ये लाजान्भर्जयति
teṣv ardhān avahatya carukalpena śrapayaty ardhāngārhapatye lājānbharjayati
- 8
अग्रेण गार्हपत्यम् अवटं खात्वा तस्मिंश्चरुं सुरायाः कल्पेन सुरां संदधाति यथा परिस्रुद्भवति
agreṇa gārhapatyam avaṭaṃ khātvā tasmiṃścaruṃ surāyāḥ kalpena surāṃ saṃdadhāti yathā parisrudbhavati
- 9
स्वाद्वीं त्वेति परिस्रुता शष्पाणि संसृजति
svādvīṃ tveti parisrutā śaṣpāṇi saṃsṛjati

