8 shlokas
- 1
पुरोडाशैः प्रचर्य पशुभिः प्रचरति
puroḍāśaiḥ pracarya paśubhiḥ pracarati
- 2
ऐन्द्रसावित्रवारुणैः पुरोडाशैः प्रचरति
aindrasāvitravāruṇaiḥ puroḍāśaiḥ pracarati
- 3
पशूनां पुरोडाशानां च समानं स्विष्टकृदिडम्
paśūnāṃ puroḍāśānāṃ ca samānaṃ sviṣṭakṛdiḍam
- 4
संस्थाप्य हृदयशूलैर्मासरेण पात्रैश्चावभृथं यन्ति
saṃsthāpya hṛdayaśūlairmāsareṇa pātraiścāvabhṛthaṃ yanti
- 5
मासरम् ऋजीषकल्पेन प्रतिपादयति
māsaram ṛjīṣakalpena pratipādayati
- 6
यस्ते देव वरुण गायत्रच्छन्दा इत्य् आश्विनं पात्रम् अवभृथे संप्रविध्यति यस्ते वरुण त्रिष्टुप्छन्दा इति सारस्वतं पात्रं यस्ते देव वरुण जगतीछन्दा इत्य् ऐन्द्रं पात्रं यस्ते देव वरुणानुष्टुप्छन्दा इति शतातृण्णां स्थालीं यस्ते देव वरुण पङ्क्तिच्छन्दा इति हृदयशूलम्
yaste deva varuṇa gāyatracchandā ity āśvinaṃ pātram avabhṛthe saṃpravidhyati yaste varuṇa triṣṭupchandā iti sārasvataṃ pātraṃ yaste deva varuṇa jagatīchandā ity aindraṃ pātraṃ yaste deva varuṇānuṣṭupchandā iti śatātṛṇṇāṃ sthālīṃ yaste deva varuṇa paṅkticchandā iti hṛdayaśūlam
- 7
तूष्णीं प्रत्यायन्ति
tūṣṇīṃ pratyāyanti
- 8
संतिष्ठते सौत्रामणी
saṃtiṣṭhate sautrāmaṇī

