11 shlokas
- 1
शम्या जुहूवदायामा तथैव दण्डस्य मूलम् अग्रं च
śamyā juhūvadāyāmā tathaiva daṇḍasya mūlam agraṃ ca
- 2
दण्डं विंशत्यङ्गुलम् ऊर्ध्वे ऽग्रे चतुरङ्गुलं पद्मस्य मुकुलोपमं कुम्बम् एतस्य बाहुप्रमाणे च
daṇḍaṃ viṃśatyaṅgulam ūrdhve 'gre caturaṅgulaṃ padmasya mukulopamaṃ kumbam etasya bāhupramāṇe ca
- 3
एवं कुम्बशेषं दण्डायतं कुर्यात्
evaṃ kumbaśeṣaṃ daṇḍāyataṃ kuryāt
- 4
अष्टाङ्गुलिविस्तारायता प्रणीता चतुरङ्गुलोन्नता मध्ये षडङ्गुलिविस्तारायता त्र्यङ्गुलिनिम्ना चतुरश्रा प्रस्थार्धोदकपूर्णा वृत्ता वा तथा करोति दोहनी च प्रस्थपयःपूर्णा
aṣṭāṅgulivistārāyatā praṇītā caturaṅgulonnatā madhye ṣaḍaṅgulivistārāyatā tryaṅgulinimnā caturaśrā prasthārdhodakapūrṇā vṛttā vā tathā karoti dohanī ca prasthapayaḥpūrṇā
- 5
मेक्षणं स्फ्यायामविस्तारं घनम् एकाङ्गुलं द्व्यङ्गुलं वा
mekṣaṇaṃ sphyāyāmavistāraṃ ghanam ekāṅgulaṃ dvyaṅgulaṃ vā
- 6
चतुरङ्गुलिविस्तारायतम् अग्रं प्राशित्रपात्रं द्वादशाङ्गुलायामम्
caturaṅgulivistārāyatam agraṃ prāśitrapātraṃ dvādaśāṅgulāyāmam
- 7
तस्य मूलं त्र्यङ्गुलम् उन्नतं चतुरङ्गुलं तदूर्ध्वे नवाङ्गुलायतं षडङ्गुलिविस्तारं च
tasya mūlaṃ tryaṅgulam unnataṃ caturaṅgulaṃ tadūrdhve navāṅgulāyataṃ ṣaḍaṅgulivistāraṃ ca
- 8
मध्ये द्वादशाङ्गुलायतं चतुरङ्गुलविस्तारं त्र्यङ्गुलनिम्नं तत्प्रमाणाकरौ गोकर्णवद्वा भवेताम्
madhye dvādaśāṅgulāyataṃ caturaṅgulavistāraṃ tryaṅgulanimnaṃ tatpramāṇākarau gokarṇavadvā bhavetām
- 9
इडापात्रं चतुर्विंशत्यङ्गुलायतं तदूर्ध्वविस्तारम् उन्नतं च प्रादेशमूलविस्तृतं प्रादेशार्धं भित्तिः परितश्चैकाङ्गुला मध्यतः शेषविस्तारायतं दशाङ्गुलं निम्नं चमसं प्रस्थपूर्णं सुवृत्तं चतुरश्रं वा भवेत्
iḍāpātraṃ caturviṃśatyaṅgulāyataṃ tadūrdhvavistāram unnataṃ ca prādeśamūlavistṛtaṃ prādeśārdhaṃ bhittiḥ paritaścaikāṅgulā madhyataḥ śeṣavistārāyataṃ daśāṅgulaṃ nimnaṃ camasaṃ prasthapūrṇaṃ suvṛttaṃ caturaśraṃ vā bhavet
- 10
उलूखलं हस्तोन्नतं तस्य नाहम्द्विगुणं परितोभित्ति द्व्यङ्गुलायतम् अष्टकशेषविस्तारायतं बिलम्
ulūkhalaṃ hastonnataṃ tasya nāhamdviguṇaṃ paritobhitti dvyaṅgulāyatam aṣṭakaśeṣavistārāyataṃ bilam
- 11
तस्य निम्नं षोडशाङ्गुलम्
tasya nimnaṃ ṣoḍaśāṅgulam

