79 shlokas
- 1
श्रीदेवी उवाच
देवदेव महादेव संसारार्णवतारक
बद्धयोनिं महामुद्रां कथयस्व दयानिधे
śrīdevī uvāca
devadeva mahādeva saṃsārārṇavatāraka
baddhayoniṃ mahāmudrāṃ kathayasva dayānidhe
- 2
श्रीशिव उवाच
शृणु देवि प्रवक्ष्यामि बद्धयोनिं समासतः
उपविश्यासने मन्त्री प्राङ्मुखो वाप्य् उदङ्मुखः
śrīśiva uvāca
śṛṇu devi pravakṣyāmi baddhayoniṃ samāsataḥ
upaviśyāsane mantrī prāṅmukho vāpy udaṅmukhaḥ
- 3
गुदच्छिद्रे महेशानि स्वलिङ्गाग्रं निवेशयेत्
श्रोत्रे चैव तथा नेत्रे नासायां च ततो मुखे
gudacchidre maheśāni svaliṅgāgraṃ niveśayet
śrotre caiva tathā netre nāsāyāṃ ca tato mukhe
- 4
अङ्गुष्ठादि महेशानि क्रमेण योजयेत्सुधीः
नासिकायां मुखे चैव समीरं बहुयत्नतः
aṅguṣṭhādi maheśāni krameṇa yojayetsudhīḥ
nāsikāyāṃ mukhe caiva samīraṃ bahuyatnataḥ
- 5
पूरयेत्परमेशानि किंचिद् अपि न रेचयेत्
शब्दप्रत्यक्षतां कृत्वा वर्णमालां विचिन्तयेत्
pūrayetparameśāni kiṃcid api na recayet
śabdapratyakṣatāṃ kṛtvā varṇamālāṃ vicintayet
- 6
अष्टोत्तरशतं मूलमन्त्रं तु प्रजपेत्सुधीः
सो ऽहंमन्त्रेण देवेशि आनयेत्तेन वर्त्मना
aṣṭottaraśataṃ mūlamantraṃ tu prajapetsudhīḥ
so 'haṃmantreṇa deveśi ānayettena vartmanā
- 7
षट्चक्रदेवतास्तत्र संतर्प्यामृतधारया
कृते फलं महेशानि कथयिष्यामि ते ऽनघे
ṣaṭcakradevatāstatra saṃtarpyāmṛtadhārayā
kṛte phalaṃ maheśāni kathayiṣyāmi te 'naghe
- 8
श्रीपार्वती उवाच
वद ईशान सर्वज्ञ सर्वतत्त्वविदां वर
मन्त्रमार्गेण देवेश कालिकायाः सुदुर्लभम्
śrīpārvatī uvāca
vada īśāna sarvajña sarvatattvavidāṃ vara
mantramārgeṇa deveśa kālikāyāḥ sudurlabham
- 9
श्रीशिव उवाच
शृणु देवि सदानन्दे कालिकामन्त्रमुत्तमम्
यस्याः प्रसङ्गमात्रेण जीवन्मुक्तो भवेन्नरः
śrīśiva uvāca
śṛṇu devi sadānande kālikāmantramuttamam
yasyāḥ prasaṅgamātreṇa jīvanmukto bhavennaraḥ
- 10
शिवाद्यं बिन्दुनादाढ्यं वामनेत्राग्निसंयुतम्
सिद्धविद्या त्व् इयं भद्रे विद्याराज्ञी सुदुर्लभा
śivādyaṃ bindunādāḍhyaṃ vāmanetrāgnisaṃyutam
siddhavidyā tv iyaṃ bhadre vidyārājñī sudurlabhā
- 11
इदं बीजत्रयं चाद्यं गगनं बिन्दुभूषितम्
वामश्रवणसंयुक्तं द्वंद्वं चापरकं शृणु
idaṃ bījatrayaṃ cādyaṃ gaganaṃ bindubhūṣitam
vāmaśravaṇasaṃyuktaṃ dvaṃdvaṃ cāparakaṃ śṛṇu
- 12
ईशानं वह्निसंयुक्तं वामनेत्रेन्दुसंयुतम्
द्वितीयं परमेशानि सम्बोधनपदं ततः
īśānaṃ vahnisaṃyuktaṃ vāmanetrendusaṃyutam
dvitīyaṃ parameśāni sambodhanapadaṃ tataḥ
- 13
पुनर्बीजत्रयं कूर्चं मायाद्वंद्वं च ठद्वयम्
द्वाविंशत्यक्षरं मन्त्रं विद्याराज्ञी सुदुर्लभा
punarbījatrayaṃ kūrcaṃ māyādvaṃdvaṃ ca ṭhadvayam
dvāviṃśatyakṣaraṃ mantraṃ vidyārājñī sudurlabhā
- 14
वाग्भवाद्या महाविद्या श्रीकाली देवता स्मृता
प्रणवाद्या महाविद्या देवता सिद्धिकालिका
vāgbhavādyā mahāvidyā śrīkālī devatā smṛtā
praṇavādyā mahāvidyā devatā siddhikālikā
- 15
निजबीजद्वयं कूर्चं बीजैकं परमेश्वरि
त्र्यक्षरी परमा विद्या चामुण्डा कालिका स्मृता
nijabījadvayaṃ kūrcaṃ bījaikaṃ parameśvari
tryakṣarī paramā vidyā cāmuṇḍā kālikā smṛtā
- 16
एतस्याः सदृशी विद्या सिद्धिदा नास्ति सुन्दरि
यथा षडक्षरी विद्या तथा विद्या च त्र्यक्षरी
etasyāḥ sadṛśī vidyā siddhidā nāsti sundari
yathā ṣaḍakṣarī vidyā tathā vidyā ca tryakṣarī
- 17
निजबीजत्रयं भद्रे श्मशानकालिका ततः
पुनर्बीजत्रयं भद्रे वह्निकान्तां समुच्चरेत्
nijabījatrayaṃ bhadre śmaśānakālikā tataḥ
punarbījatrayaṃ bhadre vahnikāntāṃ samuccaret
- 18
चतुर्दशाक्षरी विद्या त्रिषु लोकेषु पूजिता
दक्षिणाकालिका सिद्धकालिका गुह्यकालिका
caturdaśākṣarī vidyā triṣu lokeṣu pūjitā
dakṣiṇākālikā siddhakālikā guhyakālikā
- 19
श्रीकालिका भद्रकाली चामुण्डाकालिका परा
श्मशानकालिका देवि महाकालीति चाष्टधा
śrīkālikā bhadrakālī cāmuṇḍākālikā parā
śmaśānakālikā devi mahākālīti cāṣṭadhā
- 20
निजबीजं महेशानि सम्बोधनपदं ततः
पुनश्च कालिकाबीजं ततो वह्निवधूं न्यसेत्
nijabījaṃ maheśāni sambodhanapadaṃ tataḥ
punaśca kālikābījaṃ tato vahnivadhūṃ nyaset
- 21
इति चाष्टविधं मन्त्रं सर्वतन्त्रेषु गोपितम्
श्रीदेवी उवाच
श्रुतं महाकालिकाया मन्त्रं परमगोपनम्
iti cāṣṭavidhaṃ mantraṃ sarvatantreṣu gopitam
śrīdevī uvāca
śrutaṃ mahākālikāyā mantraṃ paramagopanam
- 22
ताराया मन्त्रराजं तु श्रोतुमिच्छामि साम्प्रतम्
यस्याः प्रसङ्गमात्रेण भवाब्धौ न निमज्जति
tārāyā mantrarājaṃ tu śrotumicchāmi sāmpratam
yasyāḥ prasaṅgamātreṇa bhavābdhau na nimajjati
- 23
तन्मन्त्रं वद ईशान यदि स्नेहोऽस्ति मां प्रति
श्रीशिव उवाच
चन्द्रबीजं समुच्चार्य आद्यं वह्निसमागतम्
tanmantraṃ vada īśāna yadi sneho'sti māṃ prati
śrīśiva uvāca
candrabījaṃ samuccārya ādyaṃ vahnisamāgatam
- 24
वामनेत्रेन्दुसंयुक्तं मन्त्रराजमिमं प्रिये
एकाक्षरी महाविद्या त्रिषु लोकेषु पूजिता
vāmanetrendusaṃyuktaṃ mantrarājamimaṃ priye
ekākṣarī mahāvidyā triṣu lokeṣu pūjitā
- 25
ईशानबिन्दुसंयुक्तं वामकर्णविभूषितम्
एकाक्षरी महाविद्या मन्त्रराजद्वितीयकम्
īśānabindusaṃyuktaṃ vāmakarṇavibhūṣitam
ekākṣarī mahāvidyā mantrarājadvitīyakam
- 26
शिरं बिन्दुसमारूढं वामनेत्रेन्दुसंयुतम्
आद्यबीजं द्वितीयं च अस्त्रमन्त्रं समुच्चरेत्
śiraṃ bindusamārūḍhaṃ vāmanetrendusaṃyutam
ādyabījaṃ dvitīyaṃ ca astramantraṃ samuccaret
- 27
प्रणवाद्या यदा विद्या सोग्रतारा प्रकीर्तिता
विद्या चैकजटा प्रोक्ता महामोक्षप्रदायिनी
praṇavādyā yadā vidyā sogratārā prakīrtitā
vidyā caikajaṭā proktā mahāmokṣapradāyinī
- 28
तारास्त्ररहिता त्र्यर्णा महानीलसरस्वती
वाग्भवाद्या यदा विद्या वागीशत्वप्रदायिनी
tārāstrarahitā tryarṇā mahānīlasarasvatī
vāgbhavādyā yadā vidyā vāgīśatvapradāyinī
- 29
श्रीबीजाद्या महाविद्या सदा लक्ष्मीप्रदायिनी
मायाद्या परमा विद्या सदा सिद्धिप्रदायिनी
śrībījādyā mahāvidyā sadā lakṣmīpradāyinī
māyādyā paramā vidyā sadā siddhipradāyinī
- 30
कूर्चबीजादिका चैषा शब्दराशिप्रकाशिनी
गगनाद्या महाविद्या निर्वाणमोक्षदायिनी
kūrcabījādikā caiṣā śabdarāśiprakāśinī
gaganādyā mahāvidyā nirvāṇamokṣadāyinī

