102 shlokas
- 1
कर्पूरं टङ्कणं सूतं तुल्यं मुनिरसं मधु
मर्दयित्वा लिपेल्लिङ्गं स्थित्वा यामं तथैव च
karpūraṃ ṭaṅkaṇaṃ sūtaṃ tulyaṃ munirasaṃ madhu
mardayitvā lipelliṅgaṃ sthitvā yāmaṃ tathaiva ca
- 2
ततः प्रक्षालयेल्लिङ्गं रमेद्रामां यथोचिताम्
वीर्यस्तम्भकरं पुंसां सम्यङ्नागार्जुनोदितम्
tataḥ prakṣālayelliṅgaṃ ramedrāmāṃ yathocitām
vīryastambhakaraṃ puṃsāṃ samyaṅnāgārjunoditam
- 3
कृकलासस्य पुच्छाग्रं मुद्रिका प्रोततन्तुभिः
वेष्ट्या कनिष्ठिका धार्या नरो वीर्यं न मुञ्चति
kṛkalāsasya pucchāgraṃ mudrikā protatantubhiḥ
veṣṭyā kaniṣṭhikā dhāryā naro vīryaṃ na muñcati
- 4
मधुना पद्मबीजानि पिष्ट्वा नाभिं प्रलेपयेत्
यावत्तिष्ठत्यसौ लेपस्तावद्वीर्यं न मुञ्चति
madhunā padmabījāni piṣṭvā nābhiṃ pralepayet
yāvattiṣṭhatyasau lepastāvadvīryaṃ na muñcati
- 5
चटकाण्डं तु संग्राह्य नवनीतेन पेषयेत्
तेन प्रलेपयेत्पादौ शुक्रस्तम्भः प्रजायते
यावन्न स्पृशते भूमिं तावद्वीर्यं न मुञ्चति
caṭakāṇḍaṃ tu saṃgrāhya navanītena peṣayet
tena pralepayetpādau śukrastambhaḥ prajāyate
yāvanna spṛśate bhūmiṃ tāvadvīryaṃ na muñcati
- 6
वनक्रोडस्य दंष्ट्राग्रं दक्षिणं च समाहरेत्
कट्यामुपरि यद्बद्ध्वा शुक्रस्तम्भः प्रजायते
vanakroḍasya daṃṣṭrāgraṃ dakṣiṇaṃ ca samāharet
kaṭyāmupari yadbaddhvā śukrastambhaḥ prajāyate
- 7
डुण्डुभो नामतः सर्पः कृष्णवर्णस्तमाहरेत्
ḍuṇḍubho nāmataḥ sarpaḥ kṛṣṇavarṇastamāharet
- 8
तस्यास्थि धारयेत्कट्यां नरो वीर्यं न मुञ्चति
विमुञ्चति विमुक्तेन सिद्धयोग उदाहृतः
tasyāsthi dhārayetkaṭyāṃ naro vīryaṃ na muñcati
vimuñcati vimuktena siddhayoga udāhṛtaḥ
- 9
रक्तापामार्गमूलं तु सोमवाराभिमन्त्रितम्
भौमे प्रातः समुद्धृत्य कट्यां बद्ध्वा न वीर्यमुक्
raktāpāmārgamūlaṃ tu somavārābhimantritam
bhaume prātaḥ samuddhṛtya kaṭyāṃ baddhvā na vīryamuk
- 10
खसपलं शुण्ठीक्वाथः षोडशांशेन गुडेन निशि पीतः
कुरुते रतौ न पुंसो रेतः पतनं विनाम्लेन
khasapalaṃ śuṇṭhīkvāthaḥ ṣoḍaśāṃśena guḍena niśi pītaḥ
kurute ratau na puṃso retaḥ patanaṃ vināmlena
- 11
सूरणं तुलसीमूलं ताम्बूलेन तु भक्षयेत्
न मुञ्चति नरो वीर्यमेकैकेन न संशयः
sūraṇaṃ tulasīmūlaṃ tāmbūlena tu bhakṣayet
na muñcati naro vīryamekaikena na saṃśayaḥ
- 12
वराहवसया लिङ्गं मधुना सह लेपयेत्
स्थूलं दृढं च दीर्घं च पुंसो लिङ्गं प्रजायते
varāhavasayā liṅgaṃ madhunā saha lepayet
sthūlaṃ dṛḍhaṃ ca dīrghaṃ ca puṃso liṅgaṃ prajāyate
- 13
क्षौद्रेण च समं पृष्टं पुण्डरीकस्य केशरम्
ध्वस्तं कुर्यात्ततो मेढ्रं रत्यन्यत्राप्यसंशयः
kṣaudreṇa ca samaṃ pṛṣṭaṃ puṇḍarīkasya keśaram
dhvastaṃ kuryāttato meḍhraṃ ratyanyatrāpyasaṃśayaḥ
- 14
अनुराधासुनक्षत्रे लाङ्गलीमूलिका ध्रुवम्
निखाता मैथुनस्थाने पुंसत्त्वखण्डकारिणी
anurādhāsunakṣatre lāṅgalīmūlikā dhruvam
nikhātā maithunasthāne puṃsattvakhaṇḍakāriṇī
- 15
निशा षट्तिन्दुचूर्णेन भावितेनाजवारिणा
पानाशनं प्रयुक्तेन षण्ढत्वं जायते नृणाम्
niśā ṣaṭtinducūrṇena bhāvitenājavāriṇā
pānāśanaṃ prayuktena ṣaṇḍhatvaṃ jāyate nṛṇām
- 16
तिलगोक्षुरयोश्चूर्णं छागीदुग्धेन पाचितम्
शीतलं मधुना युक्तं भुक्तं षण्ढत्वनाशनम्
tilagokṣurayoścūrṇaṃ chāgīdugdhena pācitam
śītalaṃ madhunā yuktaṃ bhuktaṃ ṣaṇḍhatvanāśanam
- 17
ऊर्णनाभिस्तु यो जीवो मधुना सह लेपयेत्
तेन लेपयतो नाभिं बद्धषण्ढ्यं विमुच्यते
ūrṇanābhistu yo jīvo madhunā saha lepayet
tena lepayato nābhiṃ baddhaṣaṇḍhyaṃ vimucyate
- 18
एक एव महाद्रावी मालतीसम्भवो रसः
किं पुनर्यदि युज्यते मधुकर्पूरपारदैः
eka eva mahādrāvī mālatīsambhavo rasaḥ
kiṃ punaryadi yujyate madhukarpūrapāradaiḥ
- 19
आर्द्रकं गन्धकं चैव राजिकं चाथ टङ्कणम्
सम्पिष्टा सममात्राणि क्षेपयेन्निम्बुजे जले
ārdrakaṃ gandhakaṃ caiva rājikaṃ cātha ṭaṅkaṇam
sampiṣṭā samamātrāṇi kṣepayennimbuje jale
- 20
स्थापयेद्घटिकां तिस्रो हस्ते वा धारयेत्ततः
यावन्त्यो ललनाः पञ्च आजिघ्रन्ति द्रवन्ति वै
sthāpayedghaṭikāṃ tisro haste vā dhārayettataḥ
yāvantyo lalanāḥ pañca ājighranti dravanti vai
- 21
चूर्णिते मधुसंयुक्ते महारिष्टफलछदैः
लिङ्गलेपेन सुरते द्रवो भवति योषिताम्
cūrṇite madhusaṃyukte mahāriṣṭaphalachadaiḥ
liṅgalepena surate dravo bhavati yoṣitām
- 22
मधुसैन्धवसंयुक्तं पारावतमलान्वितम्
एतल्लिप्तेन्द्रियो रामां दासीवत्कुरुते रतौ
madhusaindhavasaṃyuktaṃ pārāvatamalānvitam
etalliptendriyo rāmāṃ dāsīvatkurute ratau
- 23
कपीन्द्रियं शशी सूतं कुङ्कुमं कनकं मधु
एतल्लिप्तेन्द्रियो रामां दासीवत्कुरुते रतौ
kapīndriyaṃ śaśī sūtaṃ kuṅkumaṃ kanakaṃ madhu
etalliptendriyo rāmāṃ dāsīvatkurute ratau
- 24
वृत्तमध्यस्थितं नाम तद्बाह्ये ह्रीं चतुष्टयम्
तद्बहिः क्लीं चतुष्कं च लिखित्वा शिलयाखिलम्
vṛttamadhyasthitaṃ nāma tadbāhye hrīṃ catuṣṭayam
tadbahiḥ klīṃ catuṣkaṃ ca likhitvā śilayākhilam
- 25
शुभनक्षत्रसंयोगे स्थापितं मधुनि ध्रुवम्
स्त्रियम् आकर्षति क्षिप्रं यन्त्रमेतन्न संशयः
śubhanakṣatrasaṃyoge sthāpitaṃ madhuni dhruvam
striyam ākarṣati kṣipraṃ yantrametanna saṃśayaḥ
- 26
चन्दनं तगरं कुष्ठं प्रियङ्गुं नागकेशरम्
कृष्णां तिन्तिडिकं चैव समभागानि कारयेत्
candanaṃ tagaraṃ kuṣṭhaṃ priyaṅguṃ nāgakeśaram
kṛṣṇāṃ tintiḍikaṃ caiva samabhāgāni kārayet
- 27
दापयेच्चैव सप्ताहमात्मपञ्चमलेन तु
खाने पाने प्रदातव्यं स्त्रियं वा पुरुषं तथा
dāpayeccaiva saptāhamātmapañcamalena tu
khāne pāne pradātavyaṃ striyaṃ vā puruṣaṃ tathā
- 28
शंखपुष्पी मधुपुष्पी तथा कुञ्चिकिपत्रिका
श्वेतगिरिसमायुक्ता समभागानि कारयेत्
śaṃkhapuṣpī madhupuṣpī tathā kuñcikipatrikā
śvetagirisamāyuktā samabhāgāni kārayet
- 29
सप्ताहं दापयेद्युक्ता ह्यात्मपञ्चमलेन च
खाने पाने प्रदातव्यं वशीकरणमुत्तमम्
saptāhaṃ dāpayedyuktā hyātmapañcamalena ca
khāne pāne pradātavyaṃ vaśīkaraṇamuttamam
- 30
पूर्वोक्तमन्त्रेण सप्तभिःकृत्वा मन्त्रितदापयेत्
गर्दभस्य रजो गृह्य लुलितं गात्रसम्भवम्
मृतकस्य तथा भस्म नारीरजःसमन्वितम्
pūrvoktamantreṇa saptabhiḥkṛtvā mantritadāpayet
gardabhasya rajo gṛhya lulitaṃ gātrasambhavam
mṛtakasya tathā bhasma nārīrajaḥsamanvitam

