34 shlokas
- 1
अष्टादशविधं ज्ञेयं कन्दजं परिकीर्तितम्
कालकूटं मयूराख्यं बिन्दुकं सक्तुकं तथा
aṣṭādaśavidhaṃ jñeyaṃ kandajaṃ parikīrtitam
kālakūṭaṃ mayūrākhyaṃ bindukaṃ saktukaṃ tathā
- 2
वालुकं वत्सनाभं च शङ्खनाभं सुमङ्गलम्
शृङ्गीं मर्कटकं मुस्तं कर्दमं पुष्करं शिखी
vālukaṃ vatsanābhaṃ ca śaṅkhanābhaṃ sumaṅgalam
śṛṅgīṃ markaṭakaṃ mustaṃ kardamaṃ puṣkaraṃ śikhī
- 3
हारिद्रं हरितं चक्रं विषं हालाहलाह्वयम्
घनं रूक्षं च कठिनं भिन्नाञ्जनसमप्रभम्
hāridraṃ haritaṃ cakraṃ viṣaṃ hālāhalāhvayam
ghanaṃ rūkṣaṃ ca kaṭhinaṃ bhinnāñjanasamaprabham
- 4
कन्दाकारं समाख्यातं कालकूटं महाविषम्
मयूराभं मयूराख्यं बिन्दुवद्बिन्दुकः स्मृतः
kandākāraṃ samākhyātaṃ kālakūṭaṃ mahāviṣam
mayūrābhaṃ mayūrākhyaṃ binduvadbindukaḥ smṛtaḥ
- 5
चित्रम् उत्पलकन्दाभं शक्तुकं शक्तुवद्भवेत्
वालुकं वालुकाकारं वत्सनाभं तु पाण्डुरम्
citram utpalakandābhaṃ śaktukaṃ śaktuvadbhavet
vālukaṃ vālukākāraṃ vatsanābhaṃ tu pāṇḍuram
- 6
शंखनाभं शंखवर्णं शुभ्रवर्णं सुमङ्गलम्
घनं गुरुं च निविडं शृङ्गाकारं तु शृङ्गिकम्
śaṃkhanābhaṃ śaṃkhavarṇaṃ śubhravarṇaṃ sumaṅgalam
ghanaṃ guruṃ ca niviḍaṃ śṛṅgākāraṃ tu śṛṅgikam
- 7
मर्कटं कपिवर्णाभं मुस्ताकारं तु मुस्तकम्
कर्दमं कर्दमाकारं सितं पीतं च कर्दमम्
markaṭaṃ kapivarṇābhaṃ mustākāraṃ tu mustakam
kardamaṃ kardamākāraṃ sitaṃ pītaṃ ca kardamam
- 8
पुष्करं पुष्कराकारं शिखि शिखिशिखाप्रभम्
हारिद्रकं हरिद्राभं हरितं हरितं स्मृतम्
puṣkaraṃ puṣkarākāraṃ śikhi śikhiśikhāprabham
hāridrakaṃ haridrābhaṃ haritaṃ haritaṃ smṛtam
- 9
चक्राकारं भवेच्चक्रं नीलवर्णं हलाहलम्
ब्राह्मणः पाण्डुरस्तत्र क्षत्रियो रक्तवर्णकः
cakrākāraṃ bhaveccakraṃ nīlavarṇaṃ halāhalam
brāhmaṇaḥ pāṇḍurastatra kṣatriyo raktavarṇakaḥ
- 10
वैश्यः पीतप्रभः शूद्रः कृष्णाभो निन्दितः स्मृतः
ब्राह्मणो दीयते रोगे क्षत्रियो विषभक्षणे
वैश्यो व्याधिषु सर्वेषु सर्पदष्टाय शूद्रकम्
vaiśyaḥ pītaprabhaḥ śūdraḥ kṛṣṇābho ninditaḥ smṛtaḥ
brāhmaṇo dīyate roge kṣatriyo viṣabhakṣaṇe
vaiśyo vyādhiṣu sarveṣu sarpadaṣṭāya śūdrakam
- 11
समटङ्कणकं पिष्टं तद्विषं मृतमुच्यते
योजयेत्सर्वरोगेषु न विकारं करोति हि
samaṭaṅkaṇakaṃ piṣṭaṃ tadviṣaṃ mṛtamucyate
yojayetsarvarogeṣu na vikāraṃ karoti hi
- 12
विषभागांश्च कणवत्स्थूलान्कृत्वा तु भाजने
ततः गोमूत्रकं क्षिप्त्वा प्रत्यहं नित्यनूतनम्
viṣabhāgāṃśca kaṇavatsthūlānkṛtvā tu bhājane
tataḥ gomūtrakaṃ kṣiptvā pratyahaṃ nityanūtanam
- 13
शोषयेत्त्रिदिनादूर्ध्वं कृत्वा तीव्रातपे ततः
प्रयोगेषु प्रयुञ्जीत भागमानेन तद्विषम्
śoṣayettridinādūrdhvaṃ kṛtvā tīvrātape tataḥ
prayogeṣu prayuñjīta bhāgamānena tadviṣam
- 14
विषस्य मारणं प्रोक्तमथ सेवां प्रवच्म्यहम्
viṣasya māraṇaṃ proktamatha sevāṃ pravacmyaham
- 15
शरद्ग्रीष्मवसन्तेषु वर्षासु च प्रदापयेत्
चातुर्मास्ये हरेद्रोगान्कुष्ठलूतादिकानपि
śaradgrīṣmavasanteṣu varṣāsu ca pradāpayet
cāturmāsye haredrogānkuṣṭhalūtādikānapi
- 16
प्रथमे सर्षपी मात्रा द्वितीये सर्षपद्वयम्
तृतीये च चतुर्थे च पञ्चमे दिवसे तथा
prathame sarṣapī mātrā dvitīye sarṣapadvayam
tṛtīye ca caturthe ca pañcame divase tathā
- 17
षष्ठे च सप्तमे चैव क्रमवृद्ध्या विवर्धयेत्
सप्तसर्षपमात्रेण प्रथमं सप्तकं भवेत्
ṣaṣṭhe ca saptame caiva kramavṛddhyā vivardhayet
saptasarṣapamātreṇa prathamaṃ saptakaṃ bhavet
- 18
क्रमहानिं तथा पक्षे द्वितीयं सप्तकं विषम्
यवमात्रं विषं देयं तृतीये सप्तके क्रमात्
kramahāniṃ tathā pakṣe dvitīyaṃ saptakaṃ viṣam
yavamātraṃ viṣaṃ deyaṃ tṛtīye saptake kramāt
- 19
वृद्ध्यां हान्यां च दातव्यं चतुर्थसप्तके तथा
यवमात्रं ग्रसेत्स्वस्थो गुञ्जामात्रं तु कुष्ठवान्
vṛddhyāṃ hānyāṃ ca dātavyaṃ caturthasaptake tathā
yavamātraṃ grasetsvastho guñjāmātraṃ tu kuṣṭhavān
- 20
अशीतिर्यस्य वर्षाणि वसुवर्षाणि यस्य वा
विषं तस्मै न दातव्यं दत्तं चेद्दोषकारकम्
aśītiryasya varṣāṇi vasuvarṣāṇi yasya vā
viṣaṃ tasmai na dātavyaṃ dattaṃ ceddoṣakārakam
- 21
ददेद्वै सर्वरोगेषु मृताशिनि हिताशिनि
क्षीराशनं प्रयोक्तव्यं रसायनरते नरे
dadedvai sarvarogeṣu mṛtāśini hitāśini
kṣīrāśanaṃ prayoktavyaṃ rasāyanarate nare
- 22
ब्रह्मचर्यं प्रधानं हि विषकल्पे तदाचरेत्
पथ्ये स्वस्थमना भूत्वातदा सिद्धिर्न संशयः
brahmacaryaṃ pradhānaṃ hi viṣakalpe tadācaret
pathye svasthamanā bhūtvātadā siddhirna saṃśayaḥ
- 23
मात्राधिकं यदा मर्त्यः प्रमादाद्भक्षयेद्विषम्
अष्टौ वेगास्तदा तस्य जायन्ते नात्र संशयः
mātrādhikaṃ yadā martyaḥ pramādādbhakṣayedviṣam
aṣṭau vegāstadā tasya jāyante nātra saṃśayaḥ
- 24
प्रथमे वेग उद्वेगो द्वितीये वेपथुर्भवेत्
तृतीये घोरदाहः स्याच्चतुर्थे पतनं भुवि
prathame vega udvego dvitīye vepathurbhavet
tṛtīye ghoradāhaḥ syāccaturthe patanaṃ bhuvi
- 25
फेनं तु पञ्चमे वेगे षष्ठे विकलता भवेत्
जडता सप्तमे वेगे मरणं चाष्टमे भवेत्
phenaṃ tu pañcame vege ṣaṣṭhe vikalatā bhavet
jaḍatā saptame vege maraṇaṃ cāṣṭame bhavet
- 26
विषवेगांश्च विज्ञाय मन्त्रतन्त्रैर्विनाशयेत्
साधकानां हितार्थाय सदाशिवमुखोद्गतः
viṣavegāṃśca vijñāya mantratantrairvināśayet
sādhakānāṃ hitārthāya sadāśivamukhodgataḥ
- 27
सर्वविषविनाशार्थं प्रोच्यते मन्त्र उत्तमः
sarvaviṣavināśārthaṃ procyate mantra uttamaḥ
- 28
ॐ नमो भगवते घोणेयन्हर हर दर दर पर पर तर तर बर बर वध वध वः वः लः लः रं रं लां लां लां हरलां हर हर भव सर रां रां क्षीं क्षीं हीं हीं भगवति श्रीघोणेयन्सं सं सं वर वर रसः ध वर वर खण्ड च रूप ह्रीं वर विहंगम मानुष योगक्षेमं वद शेषारे शेषारे षषः स्वाहा
oṃ namo bhagavate ghoṇeyanhara hara dara dara para para tara tara bara bara vadha vadha vaḥ vaḥ laḥ laḥ raṃ raṃ lāṃ lāṃ lāṃ haralāṃ hara hara bhava sara rāṃ rāṃ kṣīṃ kṣīṃ hīṃ hīṃ bhagavati śrīghoṇeyansaṃ saṃ saṃ vara vara rasaḥ dha vara vara khaṇḍa ca rūpa hrīṃ vara vihaṃgama mānuṣa yogakṣemaṃ vada śeṣāre śeṣāre ṣaṣaḥ svāhā
- 29
विद्यैषा स्मृतिमात्रेण नश्यन्ते गुत्थकादयः
सप्त जप्तेन तोयेन प्रोक्षयेत्कालचोदितम्
vidyaiṣā smṛtimātreṇa naśyante gutthakādayaḥ
sapta japtena toyena prokṣayetkālacoditam
- 30
उत्तिष्ठति सवेगेन शिखाबन्धेन धारयेत्
त्रिमन्त्रितेन शंखेन दुन्दुभिर्वादयेद्यदि
uttiṣṭhati savegena śikhābandhena dhārayet
trimantritena śaṃkhena dundubhirvādayedyadi

