5 shlokas
- 1
समुपहते ऽद्भुते वा शान्त्यै शमीं शमुकं शाम्यवाकम् अश्वत्थप्लक्षन्यग्रोधोदुम्बरं दूर्वां च प्राचीनप्रसृतानि षड्दर्भपिञ्जूलानि सुमनसश्चापामार्गं सर्वबीजानि सीतालोष्टं गोमयं हिरण्यं वल्मीकवपां चाद्भिः संसृजति सं वः सृजामीति द्वाभ्याम्
samupahate 'dbhute vā śāntyai śamīṃ śamukaṃ śāmyavākam aśvatthaplakṣanyagrodhodumbaraṃ dūrvāṃ ca prācīnaprasṛtāni ṣaḍdarbhapiñjūlāni sumanasaścāpāmārgaṃ sarvabījāni sītāloṣṭaṃ gomayaṃ hiraṇyaṃ valmīkavapāṃ cādbhiḥ saṃsṛjati saṃ vaḥ sṛjāmīti dvābhyām
- 2
या ओषधय इत्य् अनुवाकेन संयूयापास्मद् एत्व् इति चतसृभिः संप्रोक्षणम्
yā oṣadhaya ity anuvākena saṃyūyāpāsmad etv iti catasṛbhiḥ saṃprokṣaṇam
- 3
देवाद्भुतेषु यन्नो भयम् इत्य् अष्टर्चेन स्थालीपाकस्य जुहोति यद्देवा देवहेडनम् इति तिसृभिर्भद्रं कर्णेभिर् इति चतसृभिर् ऐन्द्राग्नं वर्मेति च
devādbhuteṣu yanno bhayam ity aṣṭarcena sthālīpākasya juhoti yaddevā devaheḍanam iti tisṛbhirbhadraṃ karṇebhir iti catasṛbhir aindrāgnaṃ varmeti ca
- 4
उक्तं संप्रोक्षणम्
uktaṃ saṃprokṣaṇam
- 5
धूर्भिर् उपधूर्भिश्च हुत्वा पुनः संप्रोक्षणम्
dhūrbhir upadhūrbhiśca hutvā punaḥ saṃprokṣaṇam

