5 shlokas
- 1
अथ ब्रह्मदेयायाः प्रदानविधिं वक्ष्यामः
atha brahmadeyāyāḥ pradānavidhiṃ vakṣyāmaḥ
- 2
शुद्धपक्षस्य पुण्याहे पर्वणि वोदगग्रान्दर्भान् आस्तीर्य तेषूपविशतः प्राङ्मुखः प्रतिग्रहीता सामात्यः प्रत्यङ्मुखः प्रदाता
śuddhapakṣasya puṇyāhe parvaṇi vodagagrāndarbhān āstīrya teṣūpaviśataḥ prāṅmukhaḥ pratigrahītā sāmātyaḥ pratyaṅmukhaḥ pradātā
- 3
मध्ये प्रागग्रोदगग्रान्दर्भान् आस्तीर्य तेषूदकं संनिधाय व्रीहियवान् ओप्य दक्षिणत उदङ्ङ् आसीन ऋत्विग् उपयमनं कारयेत्
madhye prāgagrodagagrāndarbhān āstīrya teṣūdakaṃ saṃnidhāya vrīhiyavān opya dakṣiṇata udaṅṅ āsīna ṛtvig upayamanaṃ kārayet
- 4
समेतेष्व् आह ददानीति प्रतिगृह्णामीति त्रिर् आवेदयते
sameteṣv āha dadānīti pratigṛhṇāmīti trir āvedayate
- 5
एतद्वः सत्यम् इत्य् उक्त्वा समाना वः सं वो मनांसीत्य् ऋत्विग् उभौ समीक्षमाणो जपति
etadvaḥ satyam ity uktvā samānā vaḥ saṃ vo manāṃsīty ṛtvig ubhau samīkṣamāṇo japati

