20 shlokas
- 1
हविरर्हान् उपवेश्य
havirarhān upaveśya
- 2
पितॄन् आवाहयिष्यामीत्य् उक्त्वा
pitṝn āvāhayiṣyāmīty uktvā
- 3
अपयन्त्व् असुरा इति द्वाभ्यां तिलैः सर्वतो ऽवकीर्य
apayantv asurā iti dvābhyāṃ tilaiḥ sarvato 'vakīrya
- 4
एत पितर आगच्छत पितर आ मे यन्त्व् अन्तर्दधे पर्वतैर् इति जपित्वा
eta pitara āgacchata pitara ā me yantv antardadhe parvatair iti japitvā
- 5
यास्तिष्ठन्त्य् अमृता वाग्यन्मे मातेत्य् अयुग्भ्यः पाद्यम् आनीय
yāstiṣṭhanty amṛtā vāgyanme mātety ayugbhyaḥ pādyam ānīya
- 6
उदकानि चानयेद् एताभिर् एव
udakāni cānayed etābhir eva
- 7
आदित्या रुद्रा वसव इत्य् एतान्समीक्ष्य
ādityā rudrā vasava ity etānsamīkṣya
- 8
अग्नौ करवाणीत्य् उक्त्वा
agnau karavāṇīty uktvā
- 9
अग्निं परिस्तीर्य सोमाय पितृमते स्वधा नमो ऽग्नये कव्यवाहनाय स्वधा नम इत्य् अग्नौ हुत्वा
agniṃ paristīrya somāya pitṛmate svadhā namo 'gnaye kavyavāhanāya svadhā nama ity agnau hutvā
- 10
ये मामकाः पितर एतद्वः पितरो ऽयं यज्ञ इति तिसृभिः कल्पितान्नम् अभिमृशति
ye māmakāḥ pitara etadvaḥ pitaro 'yaṃ yajña iti tisṛbhiḥ kalpitānnam abhimṛśati
- 11
एषा व ऊर्ग् आमासु पक्वम् इति क्षीरं घृतं वासिच्य
eṣā va ūrg āmāsu pakvam iti kṣīraṃ ghṛtaṃ vāsicya
- 12
अमुष्मै स्वधा नमो ऽमुष्मै स्वधा नम इति यथालिङ्गम् अनुमन्त्र्य भोजयेत्
amuṣmai svadhā namo 'muṣmai svadhā nama iti yathāliṅgam anumantrya bhojayet
- 13
प्राश्नन्तु भवन्त इत्य् उक्त्वा यन्मे प्रकामाद् इति भुञ्जानान्समीक्ष्याहोरात्रैर्यद्वः क्रव्यात्स्वधां वहध्वम् इति चैताभिः
prāśnantu bhavanta ity uktvā yanme prakāmād iti bhuñjānānsamīkṣyāhorātrairyadvaḥ kravyātsvadhāṃ vahadhvam iti caitābhiḥ
- 14
पृथिवी दर्विर् इति निपरणं कुर्यात्
pṛthivī darvir iti niparaṇaṃ kuryāt
- 15
ये ऽत्र पितरः प्रेता इति वासांसि निदध्यात्
ye 'tra pitaraḥ pretā iti vāsāṃsi nidadhyāt
- 16
ऊर्जं वहन्तीर् इत्य् अपः परिषिच्य
ūrjaṃ vahantīr ity apaḥ pariṣicya
- 17
मा मे क्षेष्ठेति सतृणम् अन्नम् अभ्युक्ष्य
mā me kṣeṣṭheti satṛṇam annam abhyukṣya
- 18
विषदम् अन्नम् आनीय कच्चित्सम्पन्नं भो इति उक्त्वा तृप्यन्तु भवन्त इत्य् उक्त्वा
viṣadam annam ānīya kaccitsampannaṃ bho iti uktvā tṛpyantu bhavanta ity uktvā
- 19
तृप्तान् आचामयित्वा यन्मे राम इति प्रदक्षिणं कृत्वा
tṛptān ācāmayitvā yanme rāma iti pradakṣiṇaṃ kṛtvā
- 20
प्रत्येत्याभिरमन्तु भवन्त इत्य् उक्त्वा देवाश्च पितरश्चेत्य् अनुवाकशेषेणोपतिष्ठते
pratyetyābhiramantu bhavanta ity uktvā devāśca pitaraścety anuvākaśeṣeṇopatiṣṭhate

