8 shlokas
- 1
संवत्सरं ब्रह्मचर्यं चरतो द्वादश रात्रीः षट्तिस्र एकां वा
saṃvatsaraṃ brahmacaryaṃ carato dvādaśa rātrīḥ ṣaṭtisra ekāṃ vā
- 2
तौ संविशतः
tau saṃviśataḥ
- 3
अपश्यं त्वा मनसा चेकितानं तपसो जातं तपसो विभूतम्
इह प्रजाम् इह रयिं रराणः प्रजायस्व प्रजया पुत्रकाम
अपश्यं त्वा मनसा दीध्यानां स्वायां तनू ऋद्ध्यै नाधमानाम्
उप माम् उच्चा युवतिर्बभूयाः प्रजायस्व प्रजया पुत्रकामे
प्रजापते तन्वं मे जुषस्व त्वष्टर्देवेभिः सहसा न इन्द्रः
विश्वैर्देवैर्यज्ञियैः संविदानः पुंसां बहूनां मातरः स्याम
अहं गर्भम् आदधाम्य् ओषधीष्व् अहं विश्वेषु भुवनेष्व् अन्तः
अहं प्रजा अजनयं पृथिव्याम् अहं जनिभ्यो अवरीषु पुत्रान् इति स्त्र्यादिव्यत्यासं जपतः
apaśyaṃ tvā manasā cekitānaṃ tapaso jātaṃ tapaso vibhūtam
iha prajām iha rayiṃ rarāṇaḥ prajāyasva prajayā putrakāma
apaśyaṃ tvā manasā dīdhyānāṃ svāyāṃ tanū ṛddhyai nādhamānām
upa mām uccā yuvatirbabhūyāḥ prajāyasva prajayā putrakāme
prajāpate tanvaṃ me juṣasva tvaṣṭardevebhiḥ sahasā na indraḥ
viśvairdevairyajñiyaiḥ saṃvidānaḥ puṃsāṃ bahūnāṃ mātaraḥ syāma
ahaṃ garbham ādadhāmy oṣadhīṣv ahaṃ viśveṣu bhuvaneṣv antaḥ
ahaṃ prajā ajanayaṃ pṛthivyām ahaṃ janibhyo avarīṣu putrān iti stryādivyatyāsaṃ japataḥ
- 4
एवम् एवर्तौ प्रजाकामौ संविशतः
evam evartau prajākāmau saṃviśataḥ
- 5
करद् इति भसदम् अभिमृशति
karad iti bhasadam abhimṛśati
- 6
भसद् इत्य् उपरिजननम्
bhasad ity uparijananam
- 7
बृहद् इति जातम्
bṛhad iti jātam
- 8
इति गर्भाधानम्
iti garbhādhānam

