11 shlokas
- 1
पुण्याहे युङ्क्ते
योगे योग इति युनक्ति
puṇyāhe yuṅkte
yoge yoga iti yunakti
- 2
अङ्कन्यङ्का अभितो रथं ये ध्वान्ता वाताग्रम् अभि ये संपतन्ति
दूरेहेतिः पतत्रिणी वाजिनीवांस्ते नो ऽग्नयः प्र प्र यः पारयन्त्व् इति चक्रे अनुमन्त्रयते
aṅkanyaṅkā abhito rathaṃ ye dhvāntā vātāgram abhi ye saṃpatanti
dūrehetiḥ patatriṇī vājinīvāṃste no 'gnayaḥ pra pra yaḥ pārayantv iti cakre anumantrayate
- 3
खे रथस्य खे ऽनसः खे युगस्य च तर्द्मसु खे अक्षस्य खे अवदधामीति युगतर्द्मसु शमीशाखाम् अवदधाति
khe rathasya khe 'nasaḥ khe yugasya ca tardmasu khe akṣasya khe avadadhāmīti yugatardmasu śamīśākhām avadadhāti
- 4
सुकिंशुकं शल्मलिं विश्वरूपं हिरण्यवर्णं सुवृतं सुचक्रम्
आरोह सूर्ये अमृतस्य योनिं स्योनं पत्ये वहतुं कृणुष्वेत्य् आरोपयते
sukiṃśukaṃ śalmaliṃ viśvarūpaṃ hiraṇyavarṇaṃ suvṛtaṃ sucakram
āroha sūrye amṛtasya yoniṃ syonaṃ patye vahatuṃ kṛṇuṣvety āropayate
- 5
मा विदन्परिपन्थिनः सुमङ्गलीर् इति च प्रवाहयते
mā vidanparipanthinaḥ sumaṅgalīr iti ca pravāhayate
- 6
संकाशया विवहतं ब्रह्मणा गृहैर् अघोरेण चक्षुषा मैत्रेण
पर्याणद्धं विश्वरूपं यद् अस्याः स्योनं पतिभ्यः सविता कृणोतु तद् इति वधूसंगमे
saṃkāśayā vivahataṃ brahmaṇā gṛhair aghoreṇa cakṣuṣā maitreṇa
paryāṇaddhaṃ viśvarūpaṃ yad asyāḥ syonaṃ patibhyaḥ savitā kṛṇotu tad iti vadhūsaṃgame
- 7
ये पथीनाम् इति चतुष्पथेषु जपतीमे चत्वार इति च
ये श्मशानेष्व् इति श्मशानेषु
ये श्मशानेषु पुण्यजनाः शावास्तेषु शेरते
अत्रैव ते रमन्तां मा वधूर् अन्ववेक्षतेति
ye pathīnām iti catuṣpatheṣu japatīme catvāra iti ca
ye śmaśāneṣv iti śmaśāneṣu
ye śmaśāneṣu puṇyajanāḥ śāvāsteṣu śerate
atraiva te ramantāṃ mā vadhūr anvavekṣateti
- 8
ये वनेष्व् इति महावनं महावृक्षं दृष्ट्वा
ye vaneṣv iti mahāvanaṃ mahāvṛkṣaṃ dṛṣṭvā
- 9
इह रडिर् इति क्रूरं दृष्ट्वा
iha raḍir iti krūraṃ dṛṣṭvā
- 10
नमो अस्तु सर्पेभ्य इति सर्पान्
namo astu sarpebhya iti sarpān
- 11
ये तीर्थानीति तीर्थे ता मन्दसानेति च
ता मन्दसाना मनुषो दुरोण आ धत्तं रयिं सहवीरं वचस्यवे
कृतं तीर्थं सुप्रमाणं शुभस्पती स्थाणुं पथेष्ठाम् अप दुर्मतिं हतम्
अयं नो मह्याः पारं स्वस्ति नेषद्वनस्पतिः
सीरा नः सुतरा भव दीर्घायुत्वाय वर्चसे
अश्मन्वती रीयते संरभध्वम् उत्तिष्ठत प्रचरता सखायः
अत्रा जहाम ये आसन्न् अशेवाः शिवान्वयम् उत्तरेमाभि वाजान् इति
ye tīrthānīti tīrthe tā mandasāneti ca
tā mandasānā manuṣo duroṇa ā dhattaṃ rayiṃ sahavīraṃ vacasyave
kṛtaṃ tīrthaṃ supramāṇaṃ śubhaspatī sthāṇuṃ patheṣṭhām apa durmatiṃ hatam
ayaṃ no mahyāḥ pāraṃ svasti neṣadvanaspatiḥ
sīrā naḥ sutarā bhava dīrghāyutvāya varcase
aśmanvatī rīyate saṃrabhadhvam uttiṣṭhata pracaratā sakhāyaḥ
atrā jahāma ye āsann aśevāḥ śivānvayam uttaremābhi vājān iti

